العميل بيستلم ايه بعد ما تصمم الموقع ؟!!

[x32x01]

مصممين كتير بعد ما بينتهو من تنفيذ الموقع مش بيبقى عارف العميل هيستلم الشغل ازاي !
في البداية؛ خلينا متقفين ان الدومين هو ملكية الشركة او المؤسسة او الشخص الي بتتعامل معاه، ولذلك ده من الحاجات الأساسية الي لازم تكون مسجلة بإيميل الشخص او الشركة.

ثانيا الاستضافة ؛ وديه بتكون حسب الاتفاق من البداية:-
اذا كانت الشركة عايزة تحجز استضافة للموقع خاصة بيهم (وده الأفضل في كل الأحوال) اذا بيتوجب عليك توضح نقطة زي ديه في بداية الإتفاق، وفي الحالة ديه هتكون ملكية الاستضافة للشركة او الشخص.

اذا كان الاتفاق على استضافة الموقع الخاص بالشركة في استضافتك الخاصة مع أخذ نسبة سنوية توضحها في بداية الاتفاق، في الحالة ديه العميل هيستلم من حضرتك الموقع كامل بلوحة تحكم الووردبريس من غير الاستضافة " وعند الحاجة الى نقل الموقع الى استضافة اخرى بإمكانه الحصول على نسخة الموقع وتتفق معه على سعر النقل للاستضافة الاخرى".

ثالثا؛ نسخة احتياطية من الموقع ويفضل تكون على جوجل درايف الخاص بيه، وكنت وضحت في بوست سابق ازاي تاخد نسخة احتياطية او تنقل الموقع بشكل سليم عن طريق Wpvivid plugin

رابعا؛ البريد إلكتروني اذا كان مسجل في الاتفاق، هتسلمه اليوزر والباسوورد الخاص بالايميل ولينك الدخول لل webmail.

خامسا؛ هتعمل زووم ميتنج بسيط لكيفية ادارة الموقع " كالمتاجر مثلا " وتتأكد ان العميل استلم كل حاجة وواضحة بالنسباله.

سادسا وديه تكاد تكون مهمة بعد ما تسلمه كل حاجة؛ انك تكلمه لو فيه شغل تاني حابب يعمله او يضيف حاجة للموقع فيما بعد فممكن يتواصل معاك " وطبيعي لو الشغل كان متسلم بشكل صحيح زي ما ذكرت وكمان كان بجودة ممتازة ، هيتعامل معاك تاني بإذن الله".

شاركنا بتجربتك! ما هي أفضل طريقة تتبعها عند تسليم مشروع ووردبريس لعميل؟ شاركنا برأيك في التعليقات
اتمنى تكونوا استفدتم وبالتوفيق دائما