إمتى تستخدم async في API ولماذا مهم للأداء

تخيل إنك شيف في مطبخ عندك بوتاجاز بأربع عيون.
لو استخدمت عين واحدة بس في كل مرة، الطلبات هتتراكم، والزباين هينتظروا وقت طويل.

لكن لو استخدمت كل العيون المتاحة، هتقدر تطبخ أكتر من طلب في نفس الوقت، وتستغل كل الموارد بشكل أفضل.

ده بالضبط اللي بيعمله async في الـ APIs.

متى تستخدم async؟ ​

استخدام async/await مهم جدًا لما يكون عندك عمليات ثقيلة زي:

• استعلام قاعدة بيانات.
• استدعاء APIs خارجية.
• قراءة أو كتابة ملفات.

لو مش مستخدم async، السيرفر هيقف مستني العملية تخلص ومش هيقدر يخدم طلبات تانية في نفس الوقت.

لكن مع async:

1. السيرفر يبدأ العملية المطلوبة.
2. يستغل الموارد لخدمة طلبات تانية في نفس الوقت.
3. لما العملية تخلص، يرجع النتيجة للـ Request الأصلي.

النتيجة من استخدام async ​

• استغلال أفضل لكل موارد السيرفر.
• قدرة أكبر على التعامل مع عدد كبير من الطلبات في وقت واحد.
• تقليل وقت انتظار المستخدمين بشكل كبير.

ملحوظة مهمة ​

الـ async بيكون فارق كبير لما يكون عندك ضغط عالي على السيرفر.

• لو عندك 100 طلب في الدقيقة، ممكن ما تحسش بالفرق.
• لكن لو عندك 100,000 طلب في الدقيقة، الفرق هيبان واضح جدًا!

الخلاصة ​

استخدم async/await في أي عملية بطيئة مثل الاتصال بقاعدة البيانات أو استدعاء APIs خارجية.
ده هيساعد السيرفر يشتغل بكفاءة أكبر، ويقلل وقت انتظار المستخدمين بشكل ملحوظ.