- بواسطة x32x01 ||
أزاى تختار بين Python، .NET، PHP و Node.js ؟ نظرة عميقة من قلب الكود
كم مرة لقيت نفسك في موقف محتار فيه بين أكتر من تقنية عشان تبدأ مشروع جديد؟ تختار إيه؟ Python السهلة والمرنة؟ ولا .NET العملاق اللي مايكروسوفت بتدعمه؟
طيب PHP العظيمة اللي كلنا بدأنا بيها؟ ولا Node.js بسرعتها الخرافية؟
السؤال ده بيواجه أي مبرمج أو مهندس برمجيات شغال على مشاريع مختلفة.
هحاول انزل معاك في العمق شوية ونتكلم عن كل تقنية مش من منظور “هي أحسن ولا أوحش” لكن من منظور عملي جدًا إمتى تستخدمها؟ وإيه نقاط قوتها وضعفها؟
قول بسم الله ويلا نبدأ
حرفياً اللغة دي بقت معيار في شغل تحليل البيانات والتعلم الآلي (AI) بفضل مكتبات زي TensorFlow وPandas
لكن هل هي الأنسب لكل حاجة؟ أكيد لا
لما تيجي تطور تطبيق ويب كبير بيحتاج سرعة وأداء عالي Python بتبدأ تبين عيوبها.
السبب في ده إنها لغة الكود بتاعها بيتنفذ خطوة بخطوة وده بيخليها أبطأ من تقنيات زي .NET أو Node.js.
ومع GIL (Global Interpreter Lock)، التزامن بيبقى مشكلة في المشاريع اللي بتحتاج Multithreading حقيقي
لكن خليني أقولك حاجة: لو مشروعك مش معتمد على الزمن الحقيقي (Real-Time)، زي إنك تبني Web API بسيط أو تشتغل على تحليل بيانات، Python هتبقى سلاحك السحري.
السبب؟ السرعة والثبات ASP.NET Core
بتوفر أداء ممكن تقول عليه “مذهل” في سرعة استجابة بتوصل لملايين الطلبات في الثانية على السيرفرات القوية.
وكمان مع RyuJIT، المحرك الخاص بمايكروسوفت، الأداء بيبقى مختلف تماماً وممكن نقول بلا منافس.
لكن خليني أكون واقعي اكثر : .NET مش للناس اللي عاوزة حاجة تبدأ بيها بسهولة طبعاً محتاج منك شوية خبرة في التعامل مع الأدوات الكبيرة وأحيانًا الإعداد بياخد وقت بس في الآخر النتايج بتبقى مرضية جدا.
هي يمكن دلوقتي مش الخيار الأول للمشاريع الكبيرة، لكن في تطوير مواقع الويب والتطبيقات لسه ليها مكانتها.
لو اشتغلت قبل كده على WordPress أو Drupal، فأنت عارف إن PHP هي البطل وراء الكواليس.
وكمان مع PHP 8، الأداء اتحسن كتير جداً بفضل محرك JIT لكن علشان أكون صادق لسه مش كفاية علشان ينافس Node.js أو .NET في المشاريع التقيلة.
لو شغلك مركز على مواقع صغيرة أو متوسطة PHP هتخلص معاك الشغل بسرعة وبدون تعقيد.
لكن، Node.js مش مناسبة لكل حاجة العمليات الثقيلة على البروسيسور زي الحسابات المعقدة من وجهة نظري مش مجالها.
لو شغلك كله بيانات لحظية، يبقى Node.js هي الحل الأمثل.
لو بتشتغل على مشروع ضخم لشركة : .NET مش هيخذلك.
لو عاوز تعمل ويب سايت او تطبيق بسيط أو متوسط بسرعة: PHP هتنجز معاك.
لو عاوز حاجة سريعة وتشتغل في الزمن الحقيقي: Node.js بدون تفكير.
الفكرة مش إنك تختار “الأحسن”، الفكرة إنك تختار الأنسب للمشروع اللي في إيدك والفريق ألي معاك
من حقك جداً تختلف مع وجه نظري ومش هزعل
شاركنا: إيه أكتر تقنية بتشتغل عليها وليه؟
كم مرة لقيت نفسك في موقف محتار فيه بين أكتر من تقنية عشان تبدأ مشروع جديد؟ تختار إيه؟ Python السهلة والمرنة؟ ولا .NET العملاق اللي مايكروسوفت بتدعمه؟
طيب PHP العظيمة اللي كلنا بدأنا بيها؟ ولا Node.js بسرعتها الخرافية؟
السؤال ده بيواجه أي مبرمج أو مهندس برمجيات شغال على مشاريع مختلفة.
هحاول انزل معاك في العمق شوية ونتكلم عن كل تقنية مش من منظور “هي أحسن ولا أوحش” لكن من منظور عملي جدًا إمتى تستخدمها؟ وإيه نقاط قوتها وضعفها؟
قول بسم الله ويلا نبدأ
Python: الساحرة
لو اتكلمنا عن البرمجة اللي بتحب البساطة وسرعة الإنجاز يبقى أكيد لازم نبدأ بـ Python.حرفياً اللغة دي بقت معيار في شغل تحليل البيانات والتعلم الآلي (AI) بفضل مكتبات زي TensorFlow وPandas
لكن هل هي الأنسب لكل حاجة؟ أكيد لا
لما تيجي تطور تطبيق ويب كبير بيحتاج سرعة وأداء عالي Python بتبدأ تبين عيوبها.
السبب في ده إنها لغة الكود بتاعها بيتنفذ خطوة بخطوة وده بيخليها أبطأ من تقنيات زي .NET أو Node.js.
ومع GIL (Global Interpreter Lock)، التزامن بيبقى مشكلة في المشاريع اللي بتحتاج Multithreading حقيقي
لكن خليني أقولك حاجة: لو مشروعك مش معتمد على الزمن الحقيقي (Real-Time)، زي إنك تبني Web API بسيط أو تشتغل على تحليل بيانات، Python هتبقى سلاحك السحري.
.NET: العملاق
.NET لو بتشتغل على مشروع شركة كبيرة اختيار مثالي.السبب؟ السرعة والثبات ASP.NET Core
بتوفر أداء ممكن تقول عليه “مذهل” في سرعة استجابة بتوصل لملايين الطلبات في الثانية على السيرفرات القوية.
وكمان مع RyuJIT، المحرك الخاص بمايكروسوفت، الأداء بيبقى مختلف تماماً وممكن نقول بلا منافس.
لكن خليني أكون واقعي اكثر : .NET مش للناس اللي عاوزة حاجة تبدأ بيها بسهولة طبعاً محتاج منك شوية خبرة في التعامل مع الأدوات الكبيرة وأحيانًا الإعداد بياخد وقت بس في الآخر النتايج بتبقى مرضية جدا.
PHP: الكبير
كتير بيقولوا إن PHP خلاص انتهت طبعاً ده كلام فارغ ومش صحيح.هي يمكن دلوقتي مش الخيار الأول للمشاريع الكبيرة، لكن في تطوير مواقع الويب والتطبيقات لسه ليها مكانتها.
لو اشتغلت قبل كده على WordPress أو Drupal، فأنت عارف إن PHP هي البطل وراء الكواليس.
وكمان مع PHP 8، الأداء اتحسن كتير جداً بفضل محرك JIT لكن علشان أكون صادق لسه مش كفاية علشان ينافس Node.js أو .NET في المشاريع التقيلة.
لو شغلك مركز على مواقع صغيرة أو متوسطة PHP هتخلص معاك الشغل بسرعة وبدون تعقيد.
Node.js: ملك السرعة
عاوز تعمل تطبيق لحظي؟ زي شات او بث مباشر أو حتى Notifications؟ Node.js هي السلاح القوي في الحالات دي بفضل محرك V8 الكود بيشتغل بسرعة رهيبة ونظام Event Loop بيسمحلك تتعامل مع عدد ضخم من الطلبات في وقت واحد.لكن، Node.js مش مناسبة لكل حاجة العمليات الثقيلة على البروسيسور زي الحسابات المعقدة من وجهة نظري مش مجالها.
لو شغلك كله بيانات لحظية، يبقى Node.js هي الحل الأمثل.
طيب نختار إيه؟
لو شغلك في الذكاء الصناعي أو تحليل البيانات: Python هي الأفضل.لو بتشتغل على مشروع ضخم لشركة : .NET مش هيخذلك.
لو عاوز تعمل ويب سايت او تطبيق بسيط أو متوسط بسرعة: PHP هتنجز معاك.
لو عاوز حاجة سريعة وتشتغل في الزمن الحقيقي: Node.js بدون تفكير.
الفكرة مش إنك تختار “الأحسن”، الفكرة إنك تختار الأنسب للمشروع اللي في إيدك والفريق ألي معاك
من حقك جداً تختلف مع وجه نظري ومش هزعل
شاركنا: إيه أكتر تقنية بتشتغل عليها وليه؟