- بواسطة x32x01 ||
تعالي يا زعيم ندردش مع بعض عن اي الفرق بين الـ Hashing والـ encryption 
تعالي نبدأ بالـ Hashing 
- أول حاجة يا صحبي دي عملية أحادية الاتجاه .. بمعني انها بتحصل ومش ممكن تعكس العملية او ترجع فيها ( المفروض يعني
)تعالي ناخد مثال عملي عشان نفمهمها ..
- أول حاجة مينفعش أحفظ باسورد بالشكل ده : password_for_testing
ولا ينفع يكون مقروء كده .. طيب ليه ؟
عشان في أحسن الظروف أي حد معاه access علي الداتابيز بتاعت الموقع سواء ادمن في الموقع ولا المبرمج اللي شغال في الموقع هيكون معاه الاكونت والباسورد بتوعك يقدر يستخدمهم .. وفي اسوء الظروف لو الموقع حصل عليه هاك
بسبب كده لازم نعمل hash للـباسورد بتاعنا ..
فـ password_for_testing بعد ما نعمل هاش هيكون شكله كده
$2a$10$wzDg6fDVu1Z6AEc3aFmQa.OdLpkF6HFLVti.NHR1ptThQxDh8Q0Pq ..- فا حتي انا لو معايا اكسس علي الداتابيز هيكون الباسورد قدامي بالشكل ده , مش هعرف استخدمه
( المفروض برضو )- طيب احنا عندنا شكلين للباسورد .. بنسجل دخول ازاي ؟
لما تيجي تسجل دخول بيتم مقارنة الباسورد اللي في الصورة المقروءة
( اللي اليوزر بيكتبه ) بالباسورد اللي متخزن في الداتابيز ( المتهيش )
ولو الاتنين ليهم نفس القيمة , بتم عملية تسجيل الدخول وشكرا علي كده
- دلوقتي ممكن تفهم اي هي العملية أحادية الاتجاه .. معناها ان الباسورد بعد ما تعمله hash متقدرش ترجعه تاني للصورة المقروءة
- كده احنا عرفنا يعني اي hashing وليه بنستخدمه ✔✔
بينا يلا نخش عالـ Encryption 
- من اولها كده وعلي بلاطة .. دي عملية ثنائية الاتجاه , يعني رايحة جيه يعني تقدر تفك التشفير بعد ما عملت تشفيرمثال عشان نفهم ؟
- شوفت في واتساب كلمة
End-to-End Encryption اللي بتكون في الشات ؟ دي معناها ان الرسايل بتكون متشفرة تماما اثناء الارسال والاستلام- يعني اي برضو ؟
فقط الجهاز المرسل والجهاز المستلم يقدرو يفكو تشفير الرسايل
- طيب بتم ازاي العملية دي ؟
لما بتيجي تبعت مسدج , الرسالة دي بتتشفر في جهاز المرسل بـ key
اثناء ما هي بتتبعت بتكون علي هيئتها المتشفرة
لما المسدج بتوصل لجهاز المستلم , بيتم فك تشفير الرسالة بـ key عشان تكون في شكل مقروء
- زي ما شوفت احنا شفرنا المسدج في الاول وبعدين فكينا التشفير وده المقصود بـ ( عملية ثنائية الاتجاه )
- الكلام ده يسري علي المسدجات والصور والفيديوهات ✔
كده احنا شرحنا الفرق بين الـ Encryption والـ Hashing
