بعض أنواع الـ errors المختلفة ..

[x32x01]

- تعالي نسيبنا من موضوع الـ PII ونشوف حاجة تنفعنا عشان كل اللي بيتخانقو دول سنيورز اصلا .. ركز في مستقبلك يا غلبان
- المهم يا صديقي تعالي نتعرف مع بعض علي أنواع الـ errors المختلفة

​

النوع الأول : Syntax Errors​

- يعتبر مش ايرور برمجي اوي لكن غالبا بتبقي سرحت وانت بتكتب فا كتبت حاجة غلط
- من الأمثلة :
⬅ مثلا نسيت تقفل الـ curly braces
⬅ مثلا كتبت كلمة function فيها حرف غلط ولا حاجة
⬅ مثلا حاولت تستخدم كلمة محجوزة في اللغة .. يعني مثلا جيت تعرف متغير وجيت سميته var ( دي كلمة محجوزة في لغة جافاسكربت , مينفعش اننا نستخدمها ده في حالة انك شغال جافاسكربت برضو )

النوع التاني : Runtime Errors​

- ودي الـ errors اللي هتطلعلك في مرحلة الـ running حتي لو الكود ظاهريا مكتوب صح .. مثلا مستخدم variable من غير ما تعمله declare
- عشان تقدر تتعامل معاها : استخدم try & catch عشان الـ error ميعملش crash للـ application وتقدر تمسك الـ error وتطبعه بطريقة تخليك تعرف مصدر المشكلة منين .. بس المهم استخدمها علي قدر الحاجة مش عمال علي بطال
- ملحوظة مهمة لو حد من خلفية جافاسكربت : لما تستخدم typescript هتديك hints بدري وانت لسه بتكتب كود تخليك تاخد بالك من المشكلة سواء Syntax Errors او المشاكل اللي بعد كده هتسبب الـ Runtime Errors

النوع التالت : Logical Errors​

- وده بسيط جدا الكود شغال بس بسبب ايرور منطقي طلع نتيجة غير اللي احنا عاوزينها ..
يعني بيكون صحيح من ناحية Syntax Errors & Runtime Errors وبيكون شغال وبيطلع نتيجة لكن النتيجة هي اللي بتكون خطأ
- طيب تعالي ناخد مثال برضو عندنا فانكشن اسمها sumNumbers
وبتاخد رقمين مثلا 6 و 6 وباين من اسمها انها بتجمع ارقام .. جيت انا بقي بدل ما اجمع الرقمين ويطلعلي نتيجة 12 لأ ..
رحت ضارب الرقمين وطلعلي نتيجة 36 .. هو الكود شغال بس حصل ايرور منطقي
دلوقتي تقدر تروح تشوف يعني اي PII براحتك