- بواسطة x32x01 ||
أحذر من خدعة رسائل SMS الرسمية المزوّرة !
إزاي بيتم النصب؟الهاكرز والمحتالين بقوا بيستخدموا أدوات اسمها:
Branded SMS: اللي بتخلي الرسالة توصلك باسم جهة رسمية بدل رقم موبايل.
Bulk SMS Sender: منصات بتسمح بإرسال آلاف الرسائل دفعة واحدة لأي أرقام.
الرسالة النصية اللي بتوصلك من "البنك الأهلي" أو "شركة اتصالات" أو "البريد المصرى" ومعاها لينك؟خد بالك، مش كل رسالة ظاهر فيها اسم جهة رسمية تبقى أصلية!
إيه بقى الـ Branded SMS؟
هي رسائل SMS بتوصلك باسم جهة بدل رقم موبايل (زي: Vodafone، البنك الأهلي، البريد المصري).الشركات بتستخدمها عشان تبعت رسائل رسمية للعملاء، لكن الهاكرز كمان بقوا بيستخدموها عشان يخدعوك.
يعني ممكن حد يبعتلي رسالة منتحل فيها اسم البنك؟آه، للأسف. فيه منصات بتسمح بإرسال Branded SMS حتى بدون التحقق من الجهة، وده ثغرة خطيرة جدًا.
وإيه بقى Bulk SMS Sender؟
هو أداة أو موقع بيقدر يبعث آلاف الرسائل مرة واحدة لأي أرقام موبايل، وده اللي بيستخدمه المحتالين عشان يبعثوا رسائل جماعية مزيفة للناس كلها.
الخدعة بتشتغل إزاي؟الهاكر يكتب رسالة شبه رسائل البنك أو شركات التوصيل.
يستخدم Branded SMS عشان يخلّي اسم الجهة يظهر رسمي.
يبعثها لآلاف الضحايا عن طريق Bulk SMS Sender.
الضحية يضغط على اللينك
يدخل موقع مزيف يكتب بياناته يتم الاحتيال عليه! الرسالة بتوصلك بشكل رسمي، تقولك مثلاً:تم حظر بطاقتك البنكية، برجاء الضغط هنا لتأكيد البيانات.
أو
لم نستطيع توصيل شحنتك برجاء تحديث البيانات
أو
فزت بجائزة من شركة كذا! اضغط لتأكيد الاستلام.
واللينك؟ بيكون موقع مزيف شبه الموقع الرسمي، والغرض منه سرقة بياناتك البنكية أو الشخصية!
اعرف ووعّي غيرك:أي جهة محترمة مش هتطلب منك بيانات شخصية أو بنكية في SMS.
دايمًا تأكد من اللينك، ولو فيه رابط مختصر أو شكل غريب، تجاهله فورًا.
لما تشك، كلم الجهة مباشرة من رقمها الرسمي.
حافظ على وعيك الرقمي، لأن أقوى جدار حماية هو عقلك.