- بواسطة x32x01 ||
لو بتشتغل كمبرمج، أكيد بتستخدم Git...بس هل سألت نفسك: "إزاي الشركات الكبيرة بتنظم شغل التيم وتمنع تضارب الكود؟"
السر كله في حاجة اسمها Git Branching Strategy
وده بالضبط اللي هنتكلم عنه فى البوست ده
يعني إيه Git Branching Strategy؟
هي خطة عمل منظمة بيشتغل عليها الفريق داخل Git، الهدف منها:
تقليل التضارب بين المطورين وضوح مهام كل فرع (Branch) تسهيل العمل الجماعي على نفس المشروع
تعالى نتعرف على أشهر 3 Git Strategies بتستخدمها الشركات وفرق العمل المحترفة:
Git Flow – للمشاريع الكبيرة متعددة الإصدارات
بيتكون من فرعين اساسيين هما main و develop و ثلاثة فرعيين هما:
feature– لإضافة ميزة جديدة
– يطلع من develop
– يندمج في develop
release– لتحضير الإصدار بعد الانتهاء من كل الميزات
– يطلع من develop
– يندمج في main و develop
hotfix– لإصلاح عاجل بعد النشر
– يطلع من main
– يندمج في main
الفروع:main: النسخة الجاهزة للإنتاج
develop: التطوير الجماعي
feature/: لكل ميزة جديدة
release/: لتحضير الإصدار
hotfix/: لإصلاحات الإنتاج
GitHub Flow – للأفكار البسيطة والنشر السريع
تفاصيلها:بتشبه ال git flow ولكن الفرق انه مفيش develop وكل ميزة بتطلع بفرع من ال main وتندمج عن طريق pull request تاني مع ال main بدون الحاجه الى فرع release
كل ميزة جديدة = فرع جديد
بعد الانتهاء: Pull Request → مراجعة → دمج في main
الفروع:main: النسخة الجاهزة للإنتاج
feature/: لكل ميزة جديدة
hotfix/: لإصلاحات الإنتاج
ممتاز لفرق Agile اللي بتشتغل بنظام
Trunk-Based Development
سرعة + تكامل مستمر تفاصيلها:من أبسط الطرق، وكتير من المبرمجين بدأوا بيها.
كل الشغل تقريبًا بيكون على فرع واحد: main أو trunk.
بتبدأ بنسخة من الريبو على GitHub، وتشتغل عليها محليًا.
التعديلات كلها بتكون Commits مباشرة على main.
أحيانًا بتعمل فرع feature/، بس بيكون قصير وبيتم دمجه بسرعة.
في الآخر، بتعمل push للكود على GitHub.
ملاحظة:الاستراتيجية دي بتحتاج وجود CI قوي علشان يكتشف الأخطاء بسرعة لأن الكود بيتدمج على طول في main.
طب إزاي أختار الاستراتيجية المناسبة؟
لو مشروعك كبير ومحتاج تنظيم مراحل التطوير → Git Flow لو عايز بس تنشر بسرعة وباستمرار → GitHub Flow لو بتشتغل تيم صغير وعايز Merge سريع → Trunk-Based في النهاية:اختيار Git Strategy مش رفاهية…
دي خطوة أساسية لو عايز تشتغل باحتراف، تنجز بسرعة، وتجنب الكوارث اللي بتحصل لما كود يتدمج بالغلط
شاركنا في التعليقات: إنت بتستخدم أي Git Strategy في شغلك؟ وهل ناوي تجرب واحدة جديدة؟ 