مفهوم الـ Deep Linking

تخيل معايا أنك فاتح Facebook وشوفت بوست عن مقال عجبك جدًا، ضغطت على اللينك علشان تقرأه، لكن بدل ما التطبيق يفتح الصفحة اللي فيها المقال، لقيت نفسك في الـ Home Page!
أو تخيل أنك عندك تطبيق E-commerce، وحد بعتلك لينك لمنتج معين، ولما ضغطت عليه التطبيق فتح بس مش على صفحة المنتج، لا، فتح الصفحة الرئيسية بس!

الموضوع ده بيحصل لما التطبيق مش بيدعم الـ Deep Linking بشكل صحيح، ودي مشكلة كبيرة لأنها بتأثر على تجربة المستخدم وتقلل الـ engagement بشكل ملحوظ. وعلشان كده، في البوست ده هنتكلم عن:
- الـ Deep Linking يعني إيه وليه هو مهم؟
- أنواعه المختلفة وامتى تستخدم كل نوع؟

يعني إيه Deep Linking؟​

ببساطة، الـ Deep Linking هو إن التطبيق بتاعك يقدر يفتح صفحة معينة داخل التطبيق لما المستخدم يضغط على لينك خارجي، بدل ما يفتح بس الصفحة الرئيسية. يعني بدل ما اللينك ياخدك للتطبيق وخلاص، لا، ده بيدخلك مباشرةً على المحتوى اللي أنت المفروض توصله.
لو أخدنا Instagram كمثال، لما حد يبعتلك لينك لبروفايله على واتساب، لو عندك التطبيق، اللينك مش هيفتح المتصفح، لا، هيوديك مباشرة على البروفايل داخل Instagram نفسه. وده لأن Instagram بيدعم Deep Linking.

ليه Deep Linking مهم؟​

1- تجربة مستخدم أفضل: محدش بيحب يضيع وقت في البحث عن المحتوى اللي المفروض يكون واصل له مباشرةً.
2- زيادة الـ Engagement: المستخدم هيفضل متفاعل أكتر مع التطبيق لو اللينكات بتاخده مباشرة للحاجة اللي مهتم بيها.
3- تحسين الـ Conversion Rate: في تطبيقات الـ E-commerce، لما تبعت لينك مباشر للمنتج بدل الصفحة الرئيسية، احتمالية الشراء بتزيد.
4- تسهيل الـ Marketing Campaigns: لما تبعت لينكات في الإعلانات أو الـ emails، الـ Deep Linking بيساعدك إنك تاخد المستخدمين مباشرةً للحاجة اللي أنت عايزهم يشوفوها.
5- تقليل الـ Bounce Rate: بيقلل فرصة إن المستخدم يخرج من التطبيق بسرعة لما ما يلاقي المحتوى اللي عايزه.

أنواع Deep Linking في تطبيقات الموبايل​

الـ Deep Linking له 3 أنواع أساسية، وكل نوع له استخدام معين:
️ 1- الـ Traditional Deep Linking
ده النوع الأساسي، واللي بيعتمد على إن التطبيق يكون متسطب بالفعل على الموبايل. بيستخدم custom URL schemes (زي myapp://product/123) أو Universal Links (iOS) و App Links (Android) علشان يفتح المحتوى المطلوب داخل التطبيق.

ملاحظة: الـ custom URL schemes بقى أقل استخدامًا لأن Universal Links و App Links أكثر موثوقية دلوقتي.
مفيد لـ: التطبيقات اللي عايزة توصل المستخدمين لمحتوى معين داخل التطبيق، بشرط إن التطبيق يكون متسطب عندهم.
مشكلته: لو التطبيق مش متسطب، اللينك مش هيشتغل وهيطلع error أو مش هيعمل حاجة أصلًا.

️ 2- الـ Deferred Deep Linking
ده بيحل مشكلة النوع الأول، بحيث إنه يشتغل حتى لو التطبيق مش متسطب. الفكرة ببساطة إن لما المستخدم يضغط على اللينك، لو التطبيق مش موجود، هيتم توجيهه للـ App Store / Play Store علشان يسطبه، وبعد ما يفتحه لأول مرة، يروح تلقائيًا للـ screen اللي المفروض كان يروح لها من الأول.
عادةً بيحتاج تكامل مع أدوات زي Firebase أو Branch.
مفيد لـ:
- الحملات الإعلانية اللي بتستهدف مستخدمين جداد.
- تحسين الـ User Onboarding عن طريق توجيه المستخدم للمحتوى المناسب بعد التثبيت مباشرةً.

️ 3- الـ Contextual Deep Linking
ده مستوى متقدم أكتر من Deferred Deep Linking، لأنه مش بس بياخد المستخدم للـ screen المطلوبة، لكنه كمان بيقدر يحفظ البيانات اللي كان المفروض توصل للمستخدم، زي:
- بيانات المستخدم لو كان داخل من referral program.
- كود خصم جاي من حملة إعلانية.
- المنتج اللي كان المفروض يوصله المستخدم بعد التثبيت.
ده بيحتاج برمجة أكتر تعقيدًا شوية.
مفيد لـ:
- الحملات التسويقية اللي فيها referral programs أو أكواد خصم.
- الاحتفاظ بتجربة المستخدم حتى بعد تثبيت التطبيق.

خـلاصـة الـقـول
الـ Deep Linking بيحسن تجربة المستخدم بشكل كبير وبيزود الـ engagement.
عندك 3 أنواع: Traditional، Deferred، و Contextual، وكل واحد له استخدام معين.
التطبيق بيختلف حسب النظام (Android / iOS)، وأفضل الطرق هي App Links و Universal Links.
لو بتعمل حملة تسويقية، لازم تستخدم Deferred أو Contextual Deep Linking علشان تحافظ على تجربة المستخدم حتى بعد التثبيت.