الـ Domain Controller وحلول لبعض المشاكل المتوقعة

[x32x01]

أولًا: الـ Domain Controller هو إيه؟​

هو “المخ” اللي بيدير كل حاجة في الشبكة:
• الناس بتدخل دومين من خلاله
• الأجهزة بتشوف بعض عن طريقه
• الـ DNS والـ Group Policy وكل الخدمات الأساسية بتيجي منه
يعني لو الـ IP بتاعه اتغير فأنت قطعت التواصل ما بينه وبين باقي الشبكة.

سيناريوهات بتحصل في الواقع:
سيناريو 1: الأجهزة مش بتدخل دومين
• غيرت IP الـ DC
• الأجهزة لسه محتفظة بـ DNS القديم (اللي فيه IP القديم)
• المستخدم يفتح الجهاز يلاقيه بيقول
No logon servers available
أو
Trust relationship failed
سيناريو 2: السيرفرات التانية مش شغالة
• عندك File Server، Print Server أو ERP Server مربوطين بـ Active Directory
• لما الـ DC تغير IP، السيرفرات دي فقدت الاتصال بالـ AD
• يحصل Errors زي:
Cannot resolve domain name
أو
Access denied to network resource

سيناريو 3: الأجهزة واخدة Static DNS
• بعض الأجهزة واخدة DNS يدوي (مش من DHCP)
• فحتى بعد ما غيرت IP في الـ DHCP، لسه بتكلم الـ DC القديم ومش شايفاه
• النتيجة: مفيش Network Login، مفيش Policy، مفيش حاجة بتشتغل

إزاي تحل المشكلة؟ خطوة بخطوة:
1. تتأكد إن الـ DC الجديد اسمه هو هو القديم
الاسم مش لازم يتغير علشان الـ DNS يشتغل تمام

2. تحدث إعدادات الـ DNS
• في DHCP: عدّل Scope Options وخلي DNS هو IP الجديد
• في الأجهزة الـ static: عدّل يدوي أو بسكريبت

3. امسح الـ DNS Cache من الأجهزة
ipconfig /flushdns
4. تعمل Force للجروب بوليسي
gpupdate /force
5. تتأكد إن الـ DNS شغال صح
• Ping على اسم الدومين
ping domain.local
6. لو عندك Secondary DNS أو Additional DC
• اتأكد إن كل الـ Replication والـ SRV Records اتظبطت
7. متنساش الـ Reverse Lookup Zone في الـ DNS Server
• حدّث الـ PTR Records لو كانت مربوطة بالـ IP القديم