- بواسطة x32x01 ||
لما تكتب youtube.com.. إيه اللي بيحصل فعلاً؟ 🤔
عمرك سألت نفسك لما تفتح المتصفح وتكتبyoutube.com إزاي الموقع بيظهرلك في لحظة؟الموضوع مش بسيط زي ما باين قدامك، وراه رحلة طويلة ومعقدة بيقوم بيها الإنترنت في أجزاء من الثانية! ⚡
الكمبيوتر في الحقيقة مش بيفهم الحروف دي، هو بيتعامل مع عناوين IP زي كده مثلًا:
142.250.187.206وهنا بييجي بطلنا الخفي في القصة 👇
ما هو الـ DNS؟ 🧠
الـ DNS (Domain Name System) هو ببساطة دفتر تليفونات الإنترنت 📖بدل ما نحفظ أرقام IP صعبة، إحنا بنكتب اسم الموقع، والـ DNS بيحوّله للرقم الصح اللي المتصفح يقدر يتعامل معاه.
العملية دي اسمها DNS Resolution - يعني “ترجمة اسم الموقع لعنوان IP”.
أول خطوة: هل الجهاز عارف الـ IP؟ 💭
أول حاجة الجهاز بيسأل نفسه:“يا ترى أنا زرت الموقع ده قبل كده؟”
لو آه، ممكن يكون محفوظ في:
- DNS Cache عند المتصفح.
- أو DNS Cache في نظام التشغيل.
- أو حتى في الراوتر نفسه.
لو لقى العنوان، يروح له فورًا ✅
لكن لو مش موجود، يبدأ الرحلة الحقيقة 🚀
رحلة البحث عن الـ IP 🔍
الجهاز بيبعت استعلام لـ DNS Resolver - وده سيرفر خاص بمزود الإنترنت (ISP) أو Google DNS مثلًا، مهمته الوحيدة هي إنه يلاقي العنوان الصح للموقع.
الخطوة 1: Root Name Servers ( . ) 🌍
أول حاجة بيسألها الـ Resolver هي الـ Root Servers.يقول له: “أنا بدور على
youtube.com”فيرد عليه: “روح اسأل خوادم الـ
.com”عدد خوادم الـ Root في العالم هو 13 سيرفر رئيسي (A–M) وليهم نسخ كتير في دول مختلفة، منهم سيرفر في القاهرة (J Server) 🇪🇬
وبيتم إدارتهم من منظمات زي IANA وICANN.
الخطوة 2: TLD Name Servers (.com) 🏷️
هنا الـ Resolver يسأل خوادم .com
“عندكم موقع youtube؟”
فيردوا: “أيوه، اسأل الـ Authoritative Name Server الخاص بيه.”
كل امتداد (زي com – org – gov – edu...) ليه السيرفرات الخاصة بيه.
الخطوة 3: Authoritative Name Server 💾
ده المكان اللي فيه الحقيقة الكاملة 😎لما يوصل له الـ Resolver، السيرفر بيرد عليه بالـ IP الحقيقي مثلًا:
142.250.187.206وهنا ممكن كمان يكون فيه Subdomains زي
api.youtube.com أو support.youtube.com بعناوين مختلفة.وأخيرًا.. الجهاز يعرف الطريق 🧭
بعد ما يوصل الـ Resolver للـ IP، بيرجّعه للجهاز ويخزنه في الكاش عشان المرة الجاية يوصل أسرع.لكن الرحلة لسه مخلصتش 😏
الخطوة الأخيرة: الاتصال بالسيرفر 🔗
بعد ما الجهاز يعرف الـ IP، يبدأ الاتصال باستخدام بروتوكول TCP/IP عن طريق عملية اسمهاThree Way Handshake (TWH).
بعدها يبعث المتصفح طلب للسيرفر عن طريق HTTP أو HTTPS
(اللي بالمناسبة لازم تعرف الفرق بينهم 👀)
الطلب بيقول ببساطة:
“هات الصفحة الرئيسية بتاعة الموقع!”
السيرفر يرد بـ HTML + CSS + JavaScript + Files
وهنا يبدأ المتصفح في عرض الصفحة قدامك 💻
(الجزء ده اسمه Rendering أو Template Engine في الـ Backend)
الخلاصة ✨
كل مرة بتفتح موقع، اعرف إن في جيش من البروتوكولات والتقنيات شغال وراك عشان توصلك للمعلومة الصح في جزء من الثانية ⚙️الموضوع فعلاً عبقري 👏
خليك فاكر دايمًا:
📢 زكاة العلم نشره - شارك المقال علشان غيرك يستفيد ❤️
التعديل الأخير:
