تعرف على الفرق بين Switching و Routing ؟

المصطلح اللي بيحير ناس كتير: إيه الفرق بين Switching و Routing؟
ناس كتير بتتلخبط بين الـ Switch و الـ Router
وساعات تلاقي حد لسه في بداية الطريق فاكر إنهم نفس الحاجة
تعالى نوضحها بشكل بسيط وسهل جدًا

الـ Switch شغله كله جوه الشبكة (LAN)​

يعني بيربط الأجهزة ببعض جوا نفس المكان
وبيشتغل على Layer 2 (Data Link)
وبيستخدم MAC Address علشان يبعَت الترافيك

إنما الـ Router دوره يوصلك بشبكات تانية​

يعني هو اللي بيخرجك بره الـ LAN
وبيشتغل على Layer 3 (Network)
وبيستخدم IP Address في التوجيه

مثال:
لما تبعت فايل من لابتوب لطابعة جوا مكتبك؟
السويتش هو اللي بيشتغل
لكن لما تفتح يوتيوب؟
الراوتر هو اللي بياخد الريكويست ويخرّجك للإنترنت

كمان:
السويتش بيعرف يتعامل مع VLANs
لكن الراوتر هو اللي بيربط VLAN بالتانية (Routing between VLANs)

ولو عندك سويتش Layer 3؟
يبقى هو بيعمل وظيفة الاتنين مع بعض

خلاصة الفرق:
Switch = داخلي، سريع، MAC-based
Router = خارجي، IP-based، بيختار أفضل طريق