إيه Fabric في SD-Access؟ وليه هو العمود الفقري للشبكة ؟

يعني إيه Fabric في SD-Access؟ وليه هو العمود الفقري للشبكة؟
لو سألتك:
"إيه أهم مكون في SD-Access؟"
الناس هتفكر تقول DNA Center أو ISE…

بس الحقيقة؟
الـ Fabric هو اللي بيجمع كل ده سوا

طيب يعني إيه Fabric أصلاً؟​

هي ببساطة شبكة افتراضية (Virtual Fabric)
بتربط كل الـ Nodes مع بعض (Edge – Control – Border)
وتخلي الشبكة "واحدة" ومترابطة مهما كبرت

تخيل كده عندك كذا فرع، وكذا مبنى
بس كلهم مربوطين بـ Fabric واحدة
فأي مستخدم في أي مكان…
يقدر يوصل لخدماته كأنه في نفس المبنى

طيب Fabric دي بتشتغل إزاي؟​

عن طريق حاجتين أساسيتين:
LISP Protocol
اللي بيعمل Mapping بين الـ IP و Location
يعني يعرف كل يوزر أو جهاز موجود فين
وبالتالي يقدر يوجه الترافيك ليه بسرعة وسلاسة
VXLAN Tunnels
دي وسيلة النقل الفعلية جوا الـ Fabric
يعني الترافيك بدل ما يمشي Routing عادي،
بيتم لفّه جوا Tunnel كده… ويعدّي الشبكة من غير وجع دماغ

طب إيه فايدة الكلام ده؟
بيخلّي الـ Segmentation سهلة جدًا
ممكن تعمل Virtual Networks متعددة
الأجهزة تفضل مفصولة عن بعض رغم إنهم على نفس الشبكة
الـ Mobility تبقى سهلة جدًا
الأداء يبقى ثابت ومستقر

مثال عملي:
لو عندك 3 أقسام: HR – Finance – IT
تقدر تعمل لكل قسم Virtual Network داخل نفس الـ Fabric
وكل واحدة ليها Policies وسكّة خاصة
ومن غير ما تكتب Access List واحدة

من الآخر…
الـ Fabric هو "المسرح" اللي كل اللاعبين بيلعبوا عليه
وهو اللي بيخلّي SD-Access يشتغل بكفاءة وثبات
من غيره؟ الشبكة دي كلها ما تمشيش
قولّي بقى…
حاسس إنك بدأت تركّب الصورة في دماغك؟
ولا لسه محتاج توضيحات أكتر؟

 

يعني إيه Fabric في SD-Access؟ وليه هو العمود الفقري للشبكة؟