يعنى إيه Edge Node؟ وBorder Node؟ وControl Plane Node؟

يعني إيه Edge Node؟ وBorder Node؟ وControl Plane Node؟
الناس أول ما تسمع عن SD-Access
تتلخبط في الأدوار:
يعني إيه Border؟ وإيه Edge؟ ومين بيسوّق الباص ده؟
الموضوع بسيط جدًا…

SD-Access بيقسم الشبكة لأدوار محددة​

علشان كل جهاز يبقى عارف هو بيعمل إيه بالظبط
زي فريق كورة… كل واحد ليه مكانه ووظيفته

أول نوع: Edge Node​

ده ببساطة هو السويتش اللي بيوصل عليه المستخدم أو الجهاز
يعني لو عندك طابعة أو لابتوب متوصّل بكابل
فهو متوصّل على Edge Node

الـ Edge مسؤول عن:​

يوصل المستخدم بالشبكة
يبعت هويته لـ ISE
يحط عليه الـ SGT
ويبعته للـ Control Node ياخد قرار التوجيه

تاني نوع: Control Plane Node​

ده العقل اللي بيبص على مين فين؟
ومين واخد IP إيه؟
ومين جوه أنهى Fabric؟
الـ Control Node بيشتغل بـ بروتوكول اسمه LISP
وده اللي بيحدد مكان كل مستخدم أو جهاز
وبيحفظ قاعدة بيانات كاملة لكل حاجة

يعني لما حد يتحرك؟
Control Plane يعرف يوجه الترافيك فين بالظبط
زي الـ GPS كده بس للشبكة

تالت نوع: Border Node​

وده أهم لاعب فالفريق… ليه؟
علشان هو البوابة
هو اللي بيطلع الترافيك من الشبكة للعالم الخارجي
أو يدخّل الترافيك من برّه لجوه

مسؤول عن: الربط بين SD-Access وبين الشبكات التانية
زي الـ Internet، أو Server Farm
وبيتحكّم في مين يدخل ومين يطلع
كل نوع فيهم بيتظبط تلقائي من خلال DNA Center
يعني مش لازم تحفظ ولا تكتب Config كتير
كل اللي عليك إنك تفهم الدور… وتطبّقه صح

من الآخر؟
SD-Access موزّع الشغل زي ما الكتاب بيقول
مفيش جهاز شايل الليلة لوحده
كل Node ليه وظيفة… وكل وظيفة بتخدم التانية

قولّي بقى…
أول مرة تفهم الفرق بين Border وEdge؟
ولا جربت تلعب بالأدوار دي قبل كده؟