- بواسطة x32x01 ||
لو مهتم بالهواتف وتعديل الأنظمة، لازم تعرف البوت لودر! خلينا نشرح ببساطة:البوت لودر (Bootloader) هو كود برمجي (إن صح التعبير)، وهو أول كود يتعامل معه المعالج عند تشغيل الجهاز.
وظيفته إنه يقوم بعمل فحص سريع لأجزاء النظام (المعروف باسم 1/0 Test أو فحص المدخلات والمخرجات) وبعدها يُطلق الكيرنل.
الكيرنل بدوره يطلق سلسلة من التعريفات الخاصة بالقطع الموجودة على البوردة، واللي من خلالها بيتم تشغيل النظام الأساسي... وهو روم الأندرويد اللي على الجهاز.
يعني ببساطة، تسلسل التشغيل بيكون كالتالي:1. تضغط زر الباور
2. يشتغل التيار الكهربائي
3. يتم تشغيل البوت لودر (Bootloader)
4. البوت لودر يُشغل الكيرنل
5. الكيرنل يُشغل التعريفات
6. يتم الدخول إلى نظام الأندرويد
طيب إيه أهمية البوت لودر؟
البوت لودر هو المرجع والمدقق الأساسي لأي أمر داخل نظام أندرويد.يعني لو حاولت:
تنصيب تطبيق
حذف تطبيق رسمي
تعديل على النظامكل ده لازم يمر أولًا على البوت لودر... ومن خلاله يتم السماح أو الرفض.
هل البوت لودر مفتوح في كل الأجهزة؟
بشكل افتراضي، البوت لودر بيكون مغلق في معظم الأجهزة وده عشان يمنع أي عبث أو تعديل غير مصرح به على نظام التشغيل.
لكن! فيه طرق لفتحه، وطريقة فتح البوت لودر بتختلف من شركة للتانية.
ليه ممكن نحتاج نفتح البوت لودر؟
لتركيب روم رسمي لدولة تانية (بسبب تأخر التحديثات في منطقتك) لو الروم اللي عندك فيه مشاكل وعايز تغيره أو لو عايز تعدل على النظام بحرية أكبر