شركات الإنترنت فى مصر بتتعامل مع النت "بالكمية" للبيع

في 2025 لسه شركات الإنترنت في مصر بتتعامل مع النت على إنه "كمية" بتتباع!
الموضوع مش كده خالص…
الإنترنت بيتقاس بالـ Bandwidth (عرض النطاق) اللي جاي من الكابل الرئيسي للسنترال.
لو الكابل داخل بقدرة 100 جيجابت مثلًا، واتقسم على 100 عميل، يبقى الطبيعي كل واحد ياخد 100 ميجابت كاملة.
حتى لو العميل بيحمل طول اليوم عشرات التيرابايت، الكابل هيستحمل عادي.
لكن الشركات بتعمل إيه؟
بدل ما يدخلوا 100 عميل على الكابل، بيدخلوا 10,000 أو 20,000!
وطبيعي لما الكل يستخدم في نفس الوقت السرعة تقع.
عشان يتفادوا ده ويزودوا أرباحهم:
يحددوا استهلاكك الشهري مثلا 140 جيجا.
140 جيجا = أقل من يوم كامل تشغيل على السرعة المعلن عنها!
النتيجة = ما تقدرش تشوف أعلى جودة، ولا تحمل براحتك، ولا تستفيد من السرعة اللي دفعت فلوسها.
يعني بدل ما يوسعوا الشبكة ويصرفوا على كابلات جديدة… بيحددوا استهلاكك، وياخدوا منك فلوس أكتر في خدمة أصلاً مش مكلفة ليهم!
الخلاصة: دي مش إدارة موارد… دي سرقة منظمة!