- بواسطة x32x01 ||
ازاي تشتغل على AI Model صح 🤖💡
لو عايز تشتغل على AI model بجد ومش بس تربط على API وتبعتله طلب ويرد عليك، فيه قدامك خيارين أساسيين… والتالت خلي بالك منه لأنه صعب جدًا ومضيعة وقتك! 😅الخيار التالت: بناء AI من الصفر 🚫
بصراحة ده صعب جدًا. لو هتبدأ من الصفر هتحتاج بيانات ضخمة، وقت طويل، وقدرات هائلة في الحوسبة.فالأفضل تخليه على جنب وتروح للخيارين التانيين اللي فعليًا عمليين.
الخيار الأول: Fine-Tuning ⚙️
ده غالبًا أفضل حل ليك، خصوصًا لو انتا عايز تستخدم موديل جاهز وتخصصه على استخدامك.إيه هو Fine-Tuning؟
- انت بتاخد AI model جاهز وتبدأ تحسّن طريقة عمله على بيانات صغيرة.
- مثلا: معظم الموديلات الكبيرة بتشتغل بالإنجليزي، وانت عايزه يفكر بالعربي أو بأسلوبك.
- هنا بتدي الموديل بيانات تدريب صغيرة عشان تتعلم منها ويعدل سلوك التفكير بتاعه، من غير ما تعيد بناء الموديل كله.
- الموديل الأصلي حجمه 40 جيجا.
- انتا بتعمل Fine-Tuning على 1-10 جيجا بيانات، وتدمجها مع الموديل الكبير.
- النتيجة: موديل جديد محسّن حسب احتياجاتك بدون ما تبدأ من الصفر.
الخيار التاني: Training from Scratch 🏗️
في الحالة دي انتا بتاخد موديل فاضي بدون بيانات، بس معمارية جاهزة.- انتا هتبدأ تديله البيانات اللي عندك وتدربه عليها.
- حجم الموديل هيكبر مع الوقت حسب كمية البيانات والتدريب.
- دي طريقة مناسبة لو عندك بيانات خاصة جدًا أو محتاج موديل يبقى مخصص 100% ليك.
نصيحة:
لو مبتدئ، ابدأ بـ Fine-Tuning. أسرع، أسهل، وحتوصل لنتائج ممتازة بدون تعب كبير أو تكلفة عالية.
التعديل الأخير:
