جوجل تكشف أسرار Google Discover لأصحاب المواقع

جوجل أعلنت في إيفينت Search Central Live عن نقطة ناس كتير كانت فاهمها غلط
وهي إن Google Discover بقى أقل ارتباطًا بترتيب موقعك في نتائج البحث العادي
يعني إيه؟
يعني مش شرط تكون متصدر نتائج جوجل علشان تظهر في Discover

---

​

إيه اللي اتغير في Google Discover؟​

اللي حصل ببساطة إن جوجل بدأت:

• تدي فرصة أكبر للمواقع الصغيرة والجديدة
• حتى لو الموقع مش متصدر البحث
• التركيز بقى أكتر على اهتمامات المستخدم مش بس ترتيب الكلمة

Discover بقى يهتم بالمحتوى اللي:

• الناس ممكن تحبه
• أو يلفت انتباههم
• أو يكون مناسب لاهتماماتهم الحالية

---

​

ده معناه إيه لأصحاب المواقع؟​

التغيير ده ليه تأثير كبير

• موقع جديد ممكن يجيب زيارات حلوة من Discover
  حتى لو لسه مش في الصفحة الأولى
• جوجل بتحاول توازن وتدي فرص للمحتوى الصغير
  مش بس المواقع الكبيرة
• في نفس الوقت ممكن نشوف زيادة سبام
  لأن شروط الظهور بقت أبسط شوية

---

​

تشتغل SEO إزاي في عصر Discover؟​

لو بتشتغل SEO أو بتحاول تزود زيارات موقعك
متفكرش في الترتيب وبس
ركّز كمان على:

• محتوى يشد الانتباه
• موضوعات الناس مهتمة بيها
• تجربة مستخدم مريحة

عشان تزود فرص ظهورك في Google Discover

---

​

سر الخلطة للظهور في Google Discover​

لو عايز فرصة حقيقية تظهر في Discover، ركّز في التلات نقاط دول

صورة قوية وجذابة​

• صورة جديدة مش مكررة
• جودة عالية
• العرض مايقلش عن 1200 بكسل

جوجل شايفة إن الصورة هنا مهمة
وأحيانًا بتشد قبل ما المستخدم يقرأ المحتوى نفسه

عنوان يشد الفضول​

• عنوان مش ممل
• يخلي القارئ يقول: خليني أفتح أشوف
• بدون حشو أو خداع

تاج مهم في الهيدر (Meta Tag)​

فيه تاج بيتضاف في الهيدر
فايدته إن:

• لو عندك أكتر من مقاس للصورة
• جوجل تختار أكبر وأفضل صورة

الكود موجود في شرح جوجل الرسمي لمتطلبات Google Discover
وبقاله سنين، بس ناس كتير مش واخدة بالها منه

---

​

الخلاصة​

Discover بقى فرصة حقيقية لأي موقع كبير أو صغير
اشتغل على:

• محتوى يشد
• صورة قوية
• عنوان ذكي

وسيّب الباقي على جوجل