الربح من الاتوميشن: الحقيقة بعيد عن الوهم اون

ازاي فعلاً ناس بتكسب 1000$ من الاتوميشن؟
أكيد شفت فيديوهات كتير بعنوان ازاي تعمل 1000$ من الاتوميشن
والكارثة إن النوع ده من المحتوى مأثر بشكل سلبي على شباب كتير
ناس لسه بتحاول تبدأ تعمل 1000 جنيه مش 1000 دولار أصلاً.

مصر فيها أكتر من 100 مليون شخص، ونسبة الشباب من 18 لـ 29 سنة حوالي 20%، يعني بتتكلم في 20 مليون شاب.
تلعب على حلم الثراء السريع؟ هتكسب ناس كتير جدًا

لو قدرت تقنع 20 ألف شخص بس يدفعوا 100 جنيه: انت كده مليونير
وده كله من غير اتوميشن ولا علم… مجرد تسويق

---

​

الحقيقة اللي محدش بيقولها عن الربح من الاتوميشن ​

الـ 1000$ سهلين فعلًا… بس منك انت مش من الاتوميشن.
الموضوع بيبقى كده:

• شوية مصادر مجانية
• إعادة صياغة كلام سطحي
• كورس خفيف للشباب
• كام إعلان + كام ريل

وخلصنا

المصيبة إن أغلب الشباب فاكر:
المحتوى المجاني ملوش لازمة
الكورس المدفوع هو الحل السحري

والحقيقة؟
احنا أصلًا عندنا مشكلة Research

---

​

الاتوميشن مش تريند جديد زي ما متخيل ​

الاتوميشن موجود من سنين طويلة، وبيطور يوم عن يوم.
قبل 2022 مكنش ظاهر بالشكل ده، ومكنش حد يقولك:
عملت 1000$ من Workflow في ساعة

زمان الاتوميشن الحقيقي:

• كان بياخد أسابيع أو شهور
• محتاج فهم Business Process
• مش أي حد يقدر يعمله

من غير Process واضح + حوكمة
مستحيل تطلع اتوميشن يطلع نتيجة صح

---

​

مثال بسيط: الاتوميشن ممكن يدمر شغلك ​

عندك Sales Process بايظة
ومندوب المبيعات مش عارف يرد على العملاء

جيت عملت اتوميشن يبعت رسايل أوتوماتيك
هتحرق 1000 عميل في ساعة
بدل ما كنت بتحرق 10 في اليوم
الاتوميشن بيكبر الكوارث لو السيستم نفسه بايظ

---

​

خد بالك من Tools الاتوميشن ​

معلومة مهمة:
التولز دي معمولة تكسب الأول… وبعدين انت تكسب

التول:

• فاهم الاتوميشن كويس
• مبسطهولك عشان تعتمد عليه
• بيطلعلك الحل على مزاج المنتج بتاعه

مثال:
Make (اسمها زمان Integromat)
اتباعت سنة 2020 بحوالي 100 مليون دولار
دلوقتي قيمتها أكتر من مليار دولار
وده بسبب هوس الناس بالـ AI

---

​

مثال بسيط على Workflow اتوميشن ​

Trigger: New order created
→ Validate order data
→ Send data to CRM API
→ Notify sales team on Slack
→ Send confirmation email to customer

الكود شكله بسيط
لكن وراه Business Logic مش أي حد فاهمه

---

​

تعمل ايه عشان تميز العلم من الهبد؟ ​

لو ناوي تدخل تراك بجد، امشي بالخطوات دي

افهم العلم قبل ما تتعلمه​

اقرأ عن:

• تاريخ المجال
• الأساسيات
• ليه اتعمل أصلاً
  Deep search على Gemini كفاية جدًا كبداية

دور على الكتب مش الكورسات​

شوف:

• أشهر كتب في المجال
• فيديوهات أو بودكاست للمؤلفين
• خليك بطل واقرأ كتاب واحد
  وخلي الـ AI يرشحلك الأنسب للمبتدئ

اختار صح على يوتيوب​

• دور على محتوى أجنبي
• شوف LinkedIn بتاع الشخص
• اختار حد كويس ومش مشهور قوي
  غالبًا هتستفيد أكتر

طبق واسأل ومتخافش​

غلطت؟

• جرّب تاني
• اسأل AI
• دور على حل
• كلم صاحب القناة
  غالبًا هيرد عليك

شارك شغلك بصدق​

انشر اللي بتتعلمه:

• بشفافية
• من غير فزلكة
  وده هيساعدك تلاقي شغل قدام

---

​

الخلاصة ​

اتعلم العلم نفسه وابعد عن قشور المعلومات
عشان متبقاش بلونة منفوخة أي دبوس صغير يفرقعك
البداية من هنا…
والخطوات الجاية انت اللي هتكتبها