مخاطر شبكات الفنادق -قصة حقيقية مخيفة

هل تخيلت إنك تتسجل صوت وصورة لايف من غير ما تحس؟ ​

هل عمرك تخيلت إنك تعمل مكالمة فيديو لايف
صوت وصورة شغالين تمام
وفي نفس الوقت كل ده متشاف وممكن يتسجل على لابتوب شخص تاني في نفس المكان؟
القصة دي حصلتلي فعلًا… وده اللي حصل بالتفصيل.

---

​

بداية القصة - سفر وInterview أونلاين ​

كنت مسافر من فترة، وقاعد في فندق شوية
وخلال الفترة دي كان عندي Interview Remote مع شركة
زي أي Interview:

• المايك تمام
• الكاميرا شغالة
• الإنترنت ثابت 🛜

كل حاجة تمام… أو ده اللي كنت فاكره

---

​

ليه بستخدم الموبايل ككاميرا؟ ​

أنا في العادي:

• بستخدم كاميرا الموبايل بدل كاميرا اللابتوب
• أولًا: جودتها أعلى
• ثانيًا: اللابتوب أصلًا مفيهوش كاميرا (ودي حاجة عاجباني )

بوصل الموبايل باللابتوب عن طريق Wi-Fi
وطبعًا لازم: الاتنين يكونوا على نفس الشبكة
في البيت؟
الموضوع بيبقى عادي جدًا
لأنها Private Network وأنا المتحكم فيها.

---

​

المشكلة بدأت في الفندق ​

الفندق = Public Network يعني شبكة واحدة لكل النزلاء
وفي النوع ده من الشبكات المفروض يكون متفعل حاجة اسمها: AP Isolation / Client Isolation

---

​

يعني إيه AP Isolation ببساطة؟ ​

الخاصية دي لما بتتفعل:

• كل جهاز يوصل إنترنت بس
• مفيش جهاز يشوف التاني
• لا Scan
• لا Access
• لا Traffic مشترك

يعني:
الموبايل يشوف الإنترنت
اللابتوب يشوف الإنترنت
بس ميشوفوش بعض

وده بيقلل جدًا فرص:

• اختراق
• تجسس
• أو حد يتحكم في أجهزة تانية

---

​

الصدمة ​

قلت لنفسي: خلاص كده مش هعرف أوصل الموبايل باللابتوب
بس قولت نجرب… وجربت…
والاتنين شايفين بعض!
هنا بدأت أقلق بجد.

---

أفكار كتير وقلق أكتر ​

فضلت أفكر:

• هل كل أوضة ليها شبكة؟
• هل فيه VLAN؟
• هل فيه Misconfiguration؟

كنت ممكن:

• أعمل Network Scan
• وأعرف كل حاجة

بس ده:
انتهاك خصوصية
Unethical
فقررت أعمل الصح.

---

​

المواجهة مع الفندق ​

نزلت الريسيبشن واتكلمت مع المدير والحقيقة:

• شخص محترم جدًا
• سمعني للآخر
• شرحتله المخاطر
• وفهم الموضوع

وبعدها: شكروني وحلّوا المشكلة فورًا

---

​

طب والـ Interview؟ ​

المضحك إن:

• الـ Interview خلص قبل ما المشكلة تتحل
• وبعدها رفضت الـ Offer

لأن:

• الأسئلة كانت غريبة
• الردود أغرب
• من أغرب Interviews في حياتي

لو حابين أحكي القصة دي لوحدها…
قولولي

---

​

الإحساس الحقيقي ​

بصراحة؟ أنا كنت مبسوط جدًا مش بس عشان:

• فهمت المشكلة
• أو نبهت الفندق

لكن عشان: حميت ناس كتير كان ممكن يتأذوا فعلًا -الإحساس ده جميل والله

---

​

نصيحة مهمة لأي حد بيسافر ​

لو شغال:

• Remote
• Interviews
• Calls
• أو حتى شغل عادي

متوصلش أجهزة ببعض على Wi-Fi فندق
متثقش في Public Network
الأفضل:
Hotspot من موبايلك أو كابل أو VPN محترم

​

الخلاصة ​

الشبكات العامة:
مش دايمًا آمنة
ومش دايمًا معمولة صح
خلي بالك واحمي نفسك واحمي غيرك