System Design Interview فهم التصميم الصح

ليه System Design بيبان سهل لحد ما تدخل في الجد؟​

عمرك حسيت إنك فاهم System Design تمام، ولما حد سألك سؤال بسيط حسّسك إنك واقف في نص هدومك؟
موضوع شكله سهل زي URL Shortener: تبعت URL → يتخزن → يرجع Response

بس فجأة ييجي السؤال القاتل:
طب إيه اللي هيحصل لو وصلنا لـ 10 مليون write في الثانية؟
هنا بتبدأ تحس إن الدنيا باظت شوية .

---

​

الغلطة اللي بيقع فيها ناس كتير​

المشكلة إن ناس كتير (وأنا منهم في وقت من الأوقات) بتبقى:

• حافظ System Design Patterns
• بس مش فاهم ليه بنستخدمها أصلاً

كنت حافظ كلام زي Sharding و Replication من غير ما أفهم:

• إمتى أستخدمهم؟
• وليه؟
• وإيه مشاكلهم؟

ودي كانت مشكلة كبيرة فعلًا .

---

​

Patterns مش حلول جاهزة​

أهم درس اتعلمته: ما تبقاش واحد حافظ Patterns وخلاص
زي اللي مجمع عدّة كتير بس مش عارف يستخدمها
الـ Patterns:

• أدوات
• مش حلول جاهزة تتحط في أي تصميم

قبل ما ترسم أي Architecture اسأل نفسك:

• كام User؟
• نسبة Reads لـ Writes قد إيه؟
• Latency المطلوب كام؟
• السيستم هيكبر إزاي؟

الأرقام هي اللي بتفرض عليك التصميم الصح، مش العكس .

---

​

فكر دايمًا: السيستم ده ممكن يفشل إزاي؟​

اختار أي حتة في التصميم وفكر في 3 سيناريوهات ممكن يقع فيها السيستم
أمثلة بسيطة:

• Database الـ write عالي بس الـ read بقى بطيء
• Cache الـ hit rate قليل بسبب long tail
• Data Center وقع أو اتقسم… مين الـ primary؟

لو مش قادر تشرح:

• إزاي هتكتشف المشكلة
• وإزاي هتعالجها

يبقى التصميم ده لسه ناقص حاجة .

---

​

كثرة Patterns = مشاكل أكتر​

كتر الـ Patterns مش معناه تصميم أحسن
كل Pattern ليه:

• مميزات
• وعيوب منفصلة

فـ:

• متحطليش Cache
• ولا Queues
• ولا Sharding

عشان هما مشهورين بس
ضيفهم بس لما:

• Metric واضح يقولك إنك محتاجهم
• وتكون مجرب assumptions بتاعتك

---

​

ابدأ بسيط وكبّر واحدة واحدة​

أحسن حل في أغلب الحالات:

• ابدأ بسيستم بسيط
• كبّره مع زيادة الداتا والضغط

في حالتي:

• شيلت الـ cache خالص
• رسمت flow جديد
• Database واحدة
• Vertical scaling الأول

وبعد ما أشوف الأرقام، أقرر الخطوة الجاية .

---

​

أسئلة System Design مفيش ليها إجابة واحدة​

أسئلة System Design:

• مفيش ليها Answer ثابت
• بتعتمد على:
  • الخبرة
  • المشاكل اللي عدت عليك
  • قدرتك تعمل Structure يناسب الموقف

وده اللي بيفرق Junior عن Senior فعلًا .

---

​

مشاركة الخبرات = كنز حقيقي​

يا ريت الناس الـ Senior تشارك:

• مواقف كانت الحل فيها حاجة مش معتادة
• Pattern مشهور بس غيرته بعد تجربة
• قرار مختلف وطلع صح

الحاجات دي بتعلم أكتر من أي كتاب أو كورس .