منع التسجيل المتكرر بنفس الإيميل في المواقع

تنبيه مهم قبل ما نبدأ
الموضوع ده للتوعية والحماية فقط، مش علشان تخرب موقع أو تبوّظ نظام تسجيل
الفكرة إنك كمطوّر تفهم المشكلة وتحلّها صح

مشكلة تكرار التسجيل بنفس الإيميل​

من أكتر المشاكل اللي بتقابل أي مطوّر مواقع هي إن المستخدم يقدر يعمل أكتر من حساب بنفس الإيميل
والسبب الأساسي هنا هو Gmail.

جوجل بتتعامل مع النقطة (.) في الإيميل على إنها ملهاش أي قيمة، يعني:
لو إيميلك: example@gmail.com
تقدر تستخدم:

• e.xample@gmail.com
• ex.ample@gmail.com
• exam.ple@gmail.com
• e.x.a.m.p.l.e@gmail.com

وكلهم يوصلوا لنفس الإيميل
بس المشكلة إن قاعدة البيانات بتعتبرهم إيميلات مختلفة وبتعدي من الـ Validation عادي جدًا.

---

​

ليه المشكلة دي خطيرة؟​

• سبام حسابات
• استهلاك موارد السيرفر
• استغلال العروض المجانية
• تدمير نظام الإحالات أو البونص

وعشان كده لازم تتقفل صح

---

​

الطريقة الصح لمنع تكرار الحسابات​

خلينا نحل المشكلة خطوة خطوة كمطوّر

منع الإيميلات المؤقتة (Temp Email)​

فيه مواقع كتير بتدي إيميلات مؤقتة وهمية، ودي مصيبة لو سيبتها مفتوحة

الحل؟
استخدم Package جاهزة فيها قاعدة بيانات ضخمة بالإيميلات المؤقتة
https://github.com/Propaganistas/Laravel-Disposable-Email
الميزة؟

• أكتر من 135,000 دومين إيميل مؤقت
• بتتحدث باستمرار

تحديث القاعدة تلقائي​

تقدر تحدثها أسبوعيًا باستخدام Cron Job:

$schedule->command('disposable:update')->weekly();

كده ضمنت إن أي تسجيل بإيميل وهمي هيتمنع

---

​

إزالة النقاط من إيميلات Gmail​

دي أهم خطوة
قبل ما تعمل Validation أو تخزين في قاعدة البيانات، لازم تنظّف الإيميل.

الفكرة​

أي إيميل Gmail:

• شيل منه كل النقاط (.)
• خزّنه في الداتابيز بالشكل النضيف

مثال بكود PHP​

$email = strtolower($request->email);

if (str_contains($email, '@gmail.com')) {
    [$name, $domain] = explode('@', $email);
    $name = str_replace('.', '', $name);
    $email = $name . '@' . $domain;
}

كده:

• example@gmail.com
• e.xa.mple@gmail.com

هيبقوا إيميل واحد في قاعدة البيانات

---

​

حماية الموقع من البوتات​

حتى لو قفلت الإيميلات، البوتات لسه خطر
الحل البسيط والفعّال:

• Google reCAPTCHA
• Cloudflare Turnstile
• أي Robot Detector محترم

ده هيقلل:

• تسجيل آلي
• سبام
• هجمات Bruteforce

وبصراحة… هيريّحك جدًا

---

​

الخلاصة​

لو عندك نظام تسجيل:

• امنع الإيميلات المؤقتة
• نظّف إيميلات Gmail
• فعّل حماية ضد البوتات

كده ضمنت نظام تسجيل نظيف، آمن، ومفيهوش لعب
وده أساس أي موقع ناجح