- بواسطة x32x01 ||
إزاي تعمل سوفت وير لأي موبايل خطوة بخطوة
لو موبايلك بقى تقيل، بيهنّج، فيه فيروسات، أو حتى حابب ترجعّه كأنه جديد من المصنع،يبقى الحل قدامك هو السوفت وير
في البوست ده هنعرفك إزاي تعمل سوفت وير بنفسك لأي موبايل أندرويد بسهولة.
يعني إيه سوفت وير أصلاً؟
السوفت وير هو نظام التشغيل اللي الموبايل شغال بيه زي Android أو iOS.لما بتعمل سوفت وير، إنت كده بتمسح النظام القديم وتركّب نظام جديد نظيف
يعني:
أداء أحسن- حذف فيروسات
- حل مشاكل التهنيج
تحذير مهم قبل ما تبدأ
لازم تعمل Backup نسخة احتياطية من:- الصور
- الأرقام
- المحادثات
- الملفات
الأدوات اللي هتحتاجها
قبل ما تبدأ، حضّر الحاجات دي:- كابل USB أصلي
- كمبيوتر أو لابتوب
- السوفت وير المناسب لنوع موبايلك
- برنامج التفليش
- USB Drivers تعريفات الجهاز
خطوات عمل سوفت وير لأي موبايل أندرويد
تحديد نوع الموبايل بدقة
لازم تعرف:- موديل الجهاز (مثال: Samsung A12 – Redmi Note 10)
- إصدار الأندرويد المطلوب (Android 11 – 12 – 13)
تحميل الروم الأصلي (السوفت وير)
يفضّل دايمًا تحمّل السوفت وير من موقع موثوق 
- سامسونج: sammobile.com
- شاومي: miroms
- إنفينكس / تكنو: needrom.com
اختار الروم الرسمي علشان تتجنب أي مشاكل.
تحميل برنامج التفليش المناسب
كل شركة ليها برنامج خاص بيها - Samsung → Odin
- Xiaomi → Mi Flash Tool
- Infinix / Tecno → SP Flash Tool
- Huawei → HiSuite أو EFT
- Oppo / Realme → MSM Download Tool
تفعيل وضع التفليش (Download / Recovery)
الطريقة بتختلف حسب نوع الموبايل:- Samsung: زر الباور + خفض الصوت + Home أو Bixby
- Xiaomi: زر الباور + خفض الصوت
- Infinix / Tecno: زر الباور + رفع الصوت
خليك متأكد من الطريقة الخاصة بموبايلك.
توصيل الموبايل وبدء التفليش
بعد ما تدخل وضع التفليش:- وصل الموبايل بالكمبيوتر
- افتح برنامج التفليش
- اختار ملف السوفت وير
- اضغط Start أو Flash
- استنى لحد ما العملية تخلص
بعد ما السوفت وير يخلص
الموبايل هيعمل Restart تلقائي 
ومبروك عليك!موبايلك رجع كأنه لسه خارج من العلبة
ملحوظة أخيرة مهمة جدًا
لو:- مش فاهم الخطوات كويس
- أو أول مرة تعمل سوفت وير
ما تجرّبش بنفسك غلط بسيط ممكن يبوّظ الموبايل نهائيًا وساعتها الصيانة هتكلفك كتير.