Link Velocity: فهم النمو الطبيعي للباك لينك

Link Velocity: الجزء التاني وفهم النمو الطبيعي والـ Red Flags ☕🚀
لمتابعة الجزء الأول Link Velocity و Backlinks لتجنب عقوبات جوجل
ده الجزء التاني من شرح Link Velocity، وهجاوب فيه على أهم الأسئلة اللي بتدور في دماغ أي حد شغال SEO:

• إيه هو النمو الطبيعي للباك لينك؟
• إيه اللي يعتبر نمو غير طبيعي أو Red Flags؟
• وسؤال المليون دولار 😇… كم باك لينك في قد إيه وقت يعتبر خطر؟

حضّر فنجان قهوتك ☕ وركّز معايا، لأنك لو فهمت Link Velocity صح، هتفهم الباك لينك بروفايل كله، وهتعرف تبني لينكات بشكل ذكي يخلي جوجل في صفك مش ضدك.

إيه هو Natural Link Velocity أو النمو الطبيعي؟ 🌱​

النمو التدريجي والثابت​

الطبيعي إن الباك لينك يزيد بشكل ثابت وهادي، من غير طفرات مفاجئة (Spikes) مالهاش سبب.
جوجل بتحب الشكل ده لأنه منطقي وطبيعي، ومع الوقت:

• تختبرك على كلمات
• ولما تنجح تزودلك كلمات أكتر

حتى الثقة بين البشر بتتبني واحدة واحدة… نفس القصة مع المواقع 😉

---

تنوع مصادر الباك لينك​

مش بس المهم إن الباك لينك يكون من مواقع ليها علاقة بمجالك، المهم كمان تنوع المصادر:

• مواقع مختلفة
• دومينات مختلفة
• IPs مختلفة

يعني إيه؟ يعني متاخدش 1000 باك لينك من موقع واحد… ولا حتى 10 😅

---

تنوع Anchor Text (النص القابل للنقر)​

الأنكور تيكست لازم يكون متنوع:

• مرة الكلمة المفتاحية الأساسية
• مرة Long-tail keywords
• مرة اسم البراند
• مرة الدومين أو الرابط نفسه (Naked URL)
• Click here / Read more
• اضغط هنا / اقرأ المزيد

⚠️ بس خلي بالك: فيه نسب وتوازن، والأولوية دايمًا تكون للكلمة المفتاحية الأساسية.

---

مكان الباك لينك في الصفحة​

الباك لينك الطبيعي:

• يكون جوه المحتوى
• داخل سياق مفهوم
  مش محطوط لوحده في سطر كده وخلاص 👀

---

يكون White Hat (على الورق 😄)​

يعني باك لينك جاي بشكل طبيعي من غير تدخل مباشر منك.
بس خلّينا صُرحا… كلنا بنشتري باك لينك 😅
الفكرة إنك تشتغل بذكاء، وتبني:

• Linkable Assets
• محتوى الناس تحب تشاور عليه وتعمله لينك لوحدها

---

النمو يكون ليه سبب منطقي​

لو حصل نمو واضح في الباك لينك، لازم يكون وراه سبب، زي:

• أطلقت حاجة جديدة
• نشرت محتوى تقيل يستاهل لينكات
• عملت حملة إعلانية ناجحة
• Press Release
• تريند أو جدل
• خبر مهم أو اكتشاف

النمو من غير سبب = علامة استفهام كبيرة ❌

---

النمو غير الطبيعي (Red Flags) 🚨​

وده اللي غالبًا بيودّي موقعك لمشكلة كبيرة أو مراجعة يدوية.

النمو السريع المفاجئ​

لينكات بالمئات أو الآلاف في وقت قصير
من غير سبب
وغالبًا من مواقع رخيصة بتتباع بالكيلو 🥲
دي أسرع طريقة تقول لجوجل: "تعالى اعاقبني" 😅

البناء المتقطع حسب الوقت​

تشتغل شهر وتوقف
شهرين وتوقف
وبعدين ترجع
جوجل بتقارن:

• الشهر الحالي باللي قبله
• الربع الحالي باللي قبله
  واللي بعده

حتى لو شغلك نضيف، التقطيع ده خطر ⚠️

---

مصادر باك لينك مفضوحة 😂​

• منتديات بس
• كومنتات بس
• PBN مفضوحة
• 1000 لينك من نفس IP
• 100 لينك من نفس الموقع
• Directories
• Web 2.0

يا مفضوح 😆 وكمان لو المواقع دي مالهاش علاقة بمجالك… المصيبة أكبر.

---

Anchor Text مفضوح 😂​

كل الباك لينك على Main Keyword بس؟
كده إنت بنفسك بتشاور على نفسك وتقول: "أنا اللي عامل كده" 😄

شراء الباك لينك بشكل غبي​

طالما:

• مش Public
• مفيش Footprint
• مش حاطط جوجل في CC ولا BCC 😂

إنت في الأمان… غير كده؟ تبقى داخل شمال بإيدك.

Spike غير مبرر​

طفرة كبيرة في الباك لينك من غير سبب واضح وده شرح نفسه خلاص.

---

سؤال المليون دولار 💰​

كم باك لينك في قد إيه وقت يعتبر خطر؟​

الإجابة الصريحة؟ ملوش رقم ثابت.
ليه؟

• مجالك غير مجال غيرك
• عمر موقعك غير عمر غيرك
• عدد الصفحات والمحتوى مختلف
• قوة الـ Linkable Assets مختلفة
• حجم الجمهور مختلف

يعني أحمد مش زي الشيخ أحمد 😄

الخلاصة 👌​

SEO مش أرقام ثابتة
SEO فهم + خبرة + تقدير موقف
وعلى رأي المثل: إدي العيش لخبازه ولو كل نصه… وأنا يا سيدي خبازه 😉