عيوب OnePlus 15 بالروم الصيني وفك Bootloader

دردشة سريعة مع شوية معلومات
في موبايل لطيف جداً منتشر عالمياً اسمه OnePlus 15، والناس كلها بتتكلم عنه مش بس عشان اسمه، لكن عشان المواصفات التقيلة مقابل السعر.

الموبايل جاي بمعالج Snapdragon 8 Elite Gen 5
وبطارية عملاقة 7300mAh
وسعره أقل بكتير من Samsung S25 Ultra، وده اللي مخليه مغري لناس كتير.

فرق الضريبة بين الروم الصيني والجلوبال ​

كنت اتكلمت قبل كده عن نقطة مهمة جداً، وهي الضريبة:

• الروم الصيني: 3,789 جنيه
• الروم الجلوبال: 21,090 جنيه
• الروم الهندي: أقل شوية من الجلوبال

الفرق ده خلّى ناس كتير تفكر تعمل حركة ذكية… أو كده فاكرة

---

​

اللي حصل عالمياً مع OnePlus 15 ​

الناس بره بدأت تعمل الآتي:

• تشتري الجهاز روم صيني
• تفك Bootloader
• تفلش روم جلوبال Oxygen OS
• وتعيش سعيد… نظرياً

بس هنا بقا الموضوع بيتقسم لسيناريوهين مهمين

---

​

السيناريو الأول: قفل Bootloader بعد التحويل ​

بعض المتاجر بتعمل حركة مش أحسن حاجة:

• تفلش روم Global
• تقفل الـ Bootloader
• تبيع الجهاز بسعر وضريبة الروم الصيني

المشكلة بقا فين؟ لو قفلت الـ Bootloader:

• مش هتعرف تفتحه تاني غير بـ EDL مدفوع
• التكلفة حوالي 100 دولار
• خسرت ميزة إنك موفر فلوس
• خسرت ميزة إنك معاك OnePlus حر

وفي نقطة مش مهمة قوي لمعظم الناس
Widevine بيبقى L3 بدل L1 وده بيأثر بس على تطبيقات Streaming اللي فيها DRM زي Netflix

---

​

السيناريو التاني: تسيب Bootloader مفتوح ​

لو قررت تسيبه مفتوح بعد التحويل:

• تطبيقات بنكية مش هتشتغل
• البنك الأهلي وتيلدا من أولهم
• تطبيقات تانية هتشتغل بس تقلل وظائفها من غير ما تقولك

البنك الأهلي مثلاً هيقولك صريح: this device is rooted

---

​

الحل الأمثل لو اشتريت روم صيني ​

لو انت بالفعل اشتريت الجهاز توفير وفكيت الـ Bootloader:

• كمل للآخر واعمل Root
• تخطي Play Integrity بقى سهل حالياً
• تقدر تخفي الروت من التطبيقات البنكية

بس خلي بالك

• كل شوية Keybox يبوظ
• ترجع تلف وتجري وتغيره
• دوامة ملهاش آخر

---

​

الخلاصة النهائية ​

• الروم الصيني مش مناسب لأي مستخدم عادي
• التحويل + Bootloader مخاطرة
• مشاكل بنكية وسوفت وير مستمرة
• مناسب بس لناس فاهمة وبتحب التعديل واللعب

من الآخر: منصحش بالروم الصيني نهائي ولا الحركة دي تنفع لأي حد عايز موبايل يشغله ويعيش.