تسريع ويندوز وتعطيل الخدمات لزيادة الأداء

خطوة واحدة تفتح أقصى سرعة في جهازك
لو جهازك بقى بطيء، بيهنّج فجأة، أو بيسخن من غير سبب واضح
فخليني أقولك الحقيقة:
90% من المشكلة بتكون خدمات شغالة في الخلفية ملهاش أي لازمة
الخدمات دي بتسحب من:

• الرامات
• البروسيسور
• والطاقة

من غير ما تحس… ومن غير ما تستفيد!
هقولك على حركة بسيطة جدًا، بس مفعولها قوي هتحس بعدها إنك مشغّل جهاز جديد حرفيًا

فكرة الحركة ببساطة ​

الفكرة إنك تعطّل الخدمات الغير ضرورية اللي شغالة في الخلفية وبتاكل موارد الجهاز على الفاضي
وده كله من خلال أداة أصلية في ويندوز اسمها: System Configuration (msconfig)
من غير برامج، ومن غير مخاطرة

---

​

ازاي تدخل على الخدمات خطوة بخطوة ​

اتبع الخطوات دي بالترتيب

الخطوة : افتح Run​

اضغط مع بعض: Windows + R

الخطوة : اكتب الأمر​

اكتب الأمر ده msconfig واضغط Enter

الخطوة : روح لتبويب Services​

هتلاقي فوق تبويب اسمه Services ادخل عليه

الخطوة : أهم خطوة في الشرح ​

فعّل الخيار ده الأول: Hide all Microsoft services
ليه؟ علشان ما توقفش أي خدمة أساسية بتاعة الويندوز وتبوظ الدنيا

بعد ما تفعل الخيار ده
اللي هيظهرلك كله هيكون خدمات برامج خارجية بس وهنا تقدر تتحكم بأمان

---

​

خدمات تقدر توقفها من غير قلق ​

بعد الفلترة، هتشوف خدمات زي:

• Updaters ملهاش أي لازمة
• برامج بتشتغل لوحدها في الخلفية
• خدمات متوقفة أصلاً
• Tools عمرك ما بتستخدمها

أي حاجة انت متأكد إنك مش محتاجها شيل الصح

---

​

الخطوة الأخيرة ​

بعد ما تخلص:

• اضغط Apply
• بعدين OK
• اعمل Restart

وخد بالك بقا… الجهاز هيفتح أسرع - التهنيج هيقل - والأداء هيبقى أنضف

ليه الخطوة دي مهمة جدًا؟ ​

علشان ببساطة:
تقلل استهلاك الرامات
ترفع سرعة الجهاز
تمنع التهنيج
تحسّن وقت الإقلاع
تقلل الضغط على البروسيسور
يعني أحسن أداء بأقل تحميل والفرق هتحسه من أول مرة

---

​

نصيحة ذهبية قبل ما تبدأ ​

لو شفت خدمة مش فاهم هي إيه
سيبها زي ما هي
عطّل بس اللي انت متأكد 100% إنه غير ضروري
الأمان الأول… والسرعة هتيجي لوحدها