- بواسطة x32x01 ||
خلى بالك من GhostPairing في واتسابفيه أسلوب جديد منتشر اسمه GhostPairing، وده ممكن يخلي حد يدخل على واتساب بتاعك من غير ما يهكر موبايلك ولا يوصلك أي رسالة غريبة
الموضوع أخطر مما تتخيل، لأن المراقبة بتحصل بهدوووء تام!
يعني إيه GhostPairing؟
واتساب بيسمح إنك تستخدم حسابك على أكتر من جهاز عن طريق ميزة الأجهزة المرتبطة.المشكلة إن ناس بقت تستغل الميزة دي، وتربط جهازها بحسابك من غير ما تاخد بالك
لو ده حصل، الشخص ده يقدر:
- يقرأ رسائلك كلها
- يشوف أي شات جديد في نفس اللحظة
- يوصل لحاجات شخصية جدًا من غير أي تنبيه
الخطورة فين؟
مفيش رسالة تحذير- مفيش لينك ضغطت عليه
- مفيش ملف اتحمّل
كل اللي بيحصل دخول هادي على خصوصيتك
إزاي تتأكد إن حسابك آمن؟
ادخل على واتساب واعمل الخطوات دي دلوقتي:
راجع الأجهزة المرتبطة
- افتح واتساب
- الإعدادات → الأجهزة المرتبطة
- امسح أي جهاز مش متأكد إنه بتاعك
فعل التحقق بخطوتين
دي أهم خطوة تحمي بيها نفسك:- الإعدادات → الحساب → التحقق بخطوتين
- فعل PIN وكمان الإيميل
خلي بالك من QR Code
- ما تمسحش أي QR Code
- إلا لو متأكد 100% إنه من جهازك إنت - أي QR مش مفهوم = خطر
مثال توضيحي (للمهتمين بالأمن)
لو حد قدر يوصل لجلسة مرتبطة بحسابك، هو كده بقى معاه Session شغالة.بشكل مبسط:
Code:
WhatsApp Account
├── Mobile Device (أنت)
├── Linked Device 1 (لابك)
└── Linked Device 2 (متطفل 😈)
الخلاصة
- GhostPairing خطر حقيقي
- بيستغل ميزة مش ثغرة
- الحماية في إيدك إنت
خليك واعي خليك دايمًا مسيطر على حسابك 
وراجع إعداداتك باستمرار