حرب الذكاء الاصطناعي: Nvidia vs Google 2026

استعد للقفزة القادمة: حرب الذكاء الاصطناعي بين Nvidia وGoogle
لو فاكر إن الذكاء الاصطناعي وصل لأقصى حد مع ChatGPT وGemini، اسمحلي أقولك إحنا لسه في البداية!
اللي حصل في مؤتمر CES 2026 والردود اللي وراه، بيأكدوا إننا دخلنا مرحلة "تكسير العظام" بين العمالقة.

المعركة مش بس مين عنده شات بوت أذكى.. المعركة الحقيقية هي: مين هيمسك مفاتيح تشغيل كوكب الأرض في السنين الجاية؟

تعالوا نفك شفرة الحرب دي بين "الإمبراطور" (Nvidia) و"المتمرد العبقري" (Google)

إنفيديا (Nvidia): سياسة الأرض المحروقة ​

بعد إعلانات جينسن هوانج الأخيرة، إنفيديا بعتت رسالة واضحة:
"أنا مش ببيع هاردوير.. أنا بعمل بنية تحتية للحضارة".

المستفيد الأكبر؟ شركات الذكاء الاصطناعي زي OpenAI. الشركة انتقلت من مجرد كروت شاشة لثلاث ضربات قاضية:

• شريحة Rubin: وحش بـ 336 مليار ترانزيستور، بينزل تكلفة الذكاء الاصطناعي لـ 10% بس!
  ده معناه إنهم قتلوا المنافسة بالسعر قبل الأداء.
• مشروع Alpamayo: أول عقل مفكر للسيارات Open Source. مش الهدف صناعة عربية، لكن السيطرة على كل نظام تشغيل لكل عربية ماشية في الشارع.
• الروبوتات (Jetson): نقلوا الذكاء من الشاشات للأجسام المادية (Physical AI). الروبوتات بقيت مش خيال علمي، بقت متاحة بـ 2000 دولار فقط!

الخلاصة: إنفيديا عايزة كل شركة، كل عربية، وكل مصنع يدفع ضريبة المرور من بوابتها.

---

​

جوجل (Google): استراتيجية الاكتفاء الذاتي ​

الوحيد اللي واقف "ند بالند" ومش هامّه هي Google. ليه؟ لأنها بتلعب لعبة مختلفة اسمها "أنا مش محتاجك".

بينما العالم كله بيقف طوابير عشان يشتري من إنفيديا، Google بقالها سنين بتبني ترسانتها الخاصة:

• معالجات TPU: جوجل بتصمم وتصنع "عقلها" بنفسها. مش محتاجة تشتري شيبات من بره. المعالجات دي ساعدت في ظهور Gemini 3 وNano-banana pro اللي مكسرين الدنيا.
• النظام الكامل (Full Stack): جوجل بتمتلك كل حاجة من أول الكابل البحري، للداتا سنتر، للمعالج (TPU/Axion)، لحد الموديل نفسه. ده بيديها كفاءة في الطاقة وسرعة استجابة صعب أي حد ينافسها فيها لو مجمع أجهزته من موردين مختلفين.

---

​

الحرب دي معناها إيه لينا كمبرمجين ومهتمين بالـ AI؟​

إحنا قدام مدرستين في التكنولوجيا:

• مدرسة إنفيديا: القوة الغاشمة، السرعة القصوى، والسيطرة المركزية (زي Apple في عز مجدها بس في الهاردوير).
• مدرسة جوجل: التكامل، الكفاءة، والمرونة (النظام اللي بيخدم نفسه).

خد الزتونة:
سنة 2026 مش سنة "ذكاء اصطناعي" وبس، دي سنة "الذكاء الاصطناعي الفيزيائي". نتيجة الحرب دي هتكون:

• انخفاض رهيب في تكلفة استخدام الـ AI (في مصلحة الشركات الناشئة والمبرمجين).
• ظهور جيل جديد من الروبوتات والعربيات اللي بتفهم مش بس بتنفذ.

---

سؤال للمناقشة ​

في ظل هيمنة إنفيديا المرعبة دي.. هل جوجل تقدر بـ TPUs بتاعتها تفضل صامدة للاخر، ولا في النهاية الكل هيرضخ لـ جينسن هوانج؟

مثال برمجي بسيط لتوضيح استخدام AI في روبوت ​

# مثال بسيط لتحريك روبوت Jetson باستخدام Python
import jetson.inference
import jetson.utils

net = jetson.inference.detectNet("ssd-mobilenet-v2", threshold=0.5)
camera = jetson.utils.videoSource("/dev/video0") 
display = jetson.utils.videoOutput("display://0")

while display.IsStreaming():
    img = camera.Capture()
    detections = net.Detect(img)
    for detection in detections:
        print("تم الكشف عن جسم:", detection.ClassID)
    display.Render(img)

الكود ده مثال عملي يوضح ازاي ممكن الـ AI يتحكم في روبوت حقيقي باستخدام Nvidia Jetson.