Vibe Coding: تجربة برمجة ذكية بدون خبرة

تجربة vibe coding: ازاي تكتب آلاف الأسطر من الكود وانت مش مبرمج 🤯💻
تخيل تكتب 38,944 سطر كود في خلال 48 ساعة بس… وانت أصلًا مش مبرمج 😂
ده اللي حصل معايا حرفيًا، وكل ده بسبب حاجة اسمها vibe coding.
اليومين اللي فاتوا كنت مختفي شوية، قررت أتعلم حاجة جديدة، وفجأة لقيت نفسي داخل في تجربة شدتني جامد جدًا ومش عايز أطلع منها.

يعني إيه vibe coding وليه الناس بتتكلم عنه؟ 🚀​

vibe coding ببساطة إنك تشتغل على البرمجة بأسلوب تفاعلي، تعتمد فيه على أدوات ذكاء اصطناعي تساعدك تكتب الكود، تفهم الأخطاء، وتبني سيستم كامل خطوة خطوة.
الفكرة مش إنك تحفظ كود… الفكرة إنك تفهم المنطق وتسيب التنفيذ للأدوات الذكية 🤖

---

​

بناء سيستم إدارة طلبات من الصفر 🧩📦​

وأنا بجرب، لقيت نفسي عامل سيستم كامل لإدارة الطلبات:

• حساب عدد القطع 🧮
• تسعير تلقائي 💰
• تحويل الأوردرات
• Validation محترمة لكل المدخلات
• أكتر من User Test
• وكل حاجة شغالة تمام 👌

وطبعًا في أول يوم… كنت تايه وببعك بعك السنين ومش فاهم حاجة 😅

---

​

دور ChatGPT في تسريع التعلم 🔥🤖​

من تاني يوم، لما بدأت أستخدم ChatGPT صح، الدنيا اختلفت تمامًا.

• فهمت أفكر إزاي
• إزاي أكتب Prompt مظبوط
• إمتى أسيب الـ AI ينفذ، وإمتى أراجعه

الفرق كان واضح جدًا 💡

---

​

الأدوات اللي استخدمتها في الرحلة 🛠️​

Lovable​

في البداية استخدمت Lovable
ساعدني أطلع الشكل النهائي اللي أنا عايزه بسرعة، من غير وجع دماغ تصميم 🎨

GitHub​

بعدها نقلت المشروع على GitHub علشان:

• أتابع التغييرات
• أرتب الشغل
• أشتغل بشكل احترافي شوية 👨‍💻

Cursor + ChatGPT​

نزلت المشروع Local على الجهاز واشتغلت عليه باستخدام Cursor
كنت:

• أتكلم مع ChatGPT
• آخد الـ Prompt
• أديه للـ Agent في Cursor
  وهو ينفذ كل حاجة 🧠⚡

​

Codex​

وبعد شوية دخلت معايا Codex وساعتها الدنيا ولعت 🔥 بقيت مشغل السيستم كله بثقة.

---

​

التعامل مع الأخطاء بذكاء 🐞⚙️​

أي Error كان بيطلع:

1. أدخل على Console
2. أنسخ الخطأ
3. أوديه للـ Agent
4. يقولي الحل
5. وينفذ لوحده 😎

بعد عك أول يوم واستهلاك عدد كبير من الـ Tokens بدأت أفهم:

• إمتى أستخدم AI
• وإمتى أبسط الطلب
• وإزاي أقلل الاستهلاك

---

​

بناء سيستم حسابات بأقل Tokens 🧠💡​

بعد ما الصورة وضحت، عملت سيستم حسابات صغير جدًا بأقل عدد Tokens ممكن 💸
وده فرق جامد في:

• السرعة
• التكلفة
• التحكم في المشروع

---

​

Desktop Agent وتجربة التحكم الكامل 🖥️😂​

في شوية حاجات عطلت معايا فنزلت Desktop Agent وأديته الأمر… وهو تعامل مع كل حاجة لوحده 😅
لسه مخطط أجرب Clawdbot بس هستنى شوية لحد ما الناس تختبره وتشوف مشاكله 👀

---

​

هل vibe coding يستاهل التجربة؟ 🤔✅​

بصراحة؟ أيوه جدًا ❤️

• ممتع
• عملي
• تقدر تطلع منه شغل حقيقي
• بديل محترم لـ Google Sheets
• وتعمل واجهة شيك بدل ملفات مملة

والفلوس اللي اتدفعت فيه ؟ مستاهلة جدًا 😁

---

​

الخلاصة 🎯​

لو مهتم بـ:

• البرمجة
• الأتمتة
• الذكاء الاصطناعي
• أو حتى تبني سيستم يخدم شغلك

vibe coding تجربة لازم تعدي عليك 👌 مش شرط تبقى مبرمج تقيل… المهم تبقى فاهم وبتفكر صح.
وبس كده يا سيدي ❤️