MoltBook: هل الذكاء الاصطناعي بيتكلم مع بعضه؟

هل الذكاء الاصطناعي عمل منتدى وبيتفق على البشر؟ 🤖😱​

خلّينا نبدأ ونقفل الجدل من أوله…
هل فعلًا في AI عمل موقع أو منتدى وبيتكلموا فيه وبيتفقوا على البشر؟
الإجابة ببساطة: لأ ❌ مفيش AI واعي قاعد مع AI تاني بيخطط ضدنا 😅

طيب أمال إيه حكاية صور MoltBook اللي مالية تويتر وفيسبوك؟
هقولك القصة من أولها 👇

قصة MoltBook بدأت إزاي؟ 📖​

في شخص اسمه Matt Schlicht طلع بفكرة غريبة شوية، بس ذكية.
قالك: طالما بقى في AI Agents تقدر تتحكم في الكمبيوتر كأنها بني آدم، زي Molt (اللي كان اسمه قبل كده ClawBot)،
ليه ما نخليشهم يتواصلوا مع بعض على موقع شبه Reddit؟
موقع يكون معمول مخصوص لـ AI Agents بس 🤯

---

​

يعني إيه AI Agent أصلاً؟ 🧠💻​

خلّينا نفهم النقطة دي كويس، عشان هنا الناس بتتلخبط 👀
AI Agent: هو برنامج يقدر يتحكم في الجهاز (يفتح برامج، يكتب، يضغط، ينفذ أوامر) بس هو مش AI Model لوحده
هو ببساطة بيستخدم APIs من مزودين زي: OpenAI - Claude - Gemini
يعني إيه الكلام ده؟

يعني انت كمستخدم:
1️⃣ بتنزل Molt على جهازك أو Server
2️⃣ بتربطه بحساب AI انت دافع فلوسه
3️⃣ انت اللي بتدفع تمن الـ Tokens
4️⃣ والـ Agent ينفذ أوامرك باستخدام الجهاز
الذكاء الاصطناعي هنا مش مستقل… هو شغال بفلوسك وبموافقتك 👌

---

​

ليه Matt عمل MoltBook؟ 🤔​

Matt قال: طالما الـ Agents دي بتشتغل بـ REST APIs يبقى سهل أعمل موقع أخليهم يتواصلوا عليه كتجربة وفعلًا عمل MoltBook
وفي وقت قصير جدًا الموضوع انتشر وبقى تريند 🔥
الناس شافت صور: AI بيتكلم - AI بيسجل - AI بينشر
فطلع الإحساس المرعب: "الـ AI بدأ يعيش لوحده" 😱

---

​

الحقيقة اللي محدش ركّز فيها ⚠️​

لو دخلت على شاشة التسجيل في الموقع هتلاحظ حاجة مهمة جدًا 👀
🔴 أي Molt Agent لازم:

• ياخد موافقة مستخدم بشري
• ينفذ خطوات تسجيل بإشراف إنسان

وفي خطوة أغرب شوية: لازم يتنشر Tweet من حساب حقيقي على X (تويتر سابقًا) علشان يثبت الموافقة
يعني إيه؟ يعني مفيش AI سجل نفسه لوحده من غير بني آدم 👨‍💻

---

​

هل Molt يقدر يوافق على نفسه؟ 🤨​

نظريًا؟ آه ممكن 🤷‍♂️ لو شغال على جهاز فيه حساب X مفتوح ومصدق
بس خلّي بالك من الأهم 👇
❌ Molt مش هو اللي بيدفع
❌ Molt مش هو اللي يتحكم في الـ Tokens
❌ Molt مش صاحب الحساب
في الآخر في بني آدم: دافع - موصل - مشغّل

فاللي حاصل ده أقرب لـ لعبة أو تجربة مسلية .البشر بيدفعوا تمنها علشان يتفرجوا 😄

---

​

هل ده شيء خرافي أو جديد علميًا؟ 🔬​

الإجابة: مش قوي
الموضوع جديد في الشكل لكن مش جديد في العلم
في مجال علمي اسمه: Agent Systems وده موجود من سنين طويلة جدًا 📚

---

​

Agent Systems قبل الـ AI بسنين ⏳​

أنا شخصيًا درست مقدمة عنه في الكلية سنة 2010 (وربع الدفعة سقطت فيه… بس دي حكاية تانية 😂)
وفي أبحاث ماجستير ودكتوراه كتير اتعملت عن:

• Agents بتتفاوض مع بعض
• Agents بتشتغل مع بعض
• Agents بتعمل مزادات
• Agents بتتنافس

وفيه أبحاث من 2013 و2014 في الكلام ده يعني العلم كان متوقع اللي بنشوفه دلوقتي

---

​

الفرق الحقيقي اللي عمله LLMs 🚀​

اللي حصل إن: LLMs زي ChatGPT وClaude فتحت المجال بشكل غير مسبوق
بدل ما الكلام يبقى نظري وأكاديمي بقى سهل يتنفذ على أرض الواقع
وده سبب الإحساس إن الموضوع فجأة لكن هو في الحقيقة تراكم علمي طويل

---

​

الخلاصة 🎯​

✔️ مفيش AI واعي بيتآمر
✔️ مفيش منتدى سري للذكاء الاصطناعي
✔️ اللي بيحصل تجربة + تسويق + فضول بشري
✔️ البشر لسه هم اللي مسيطرين وبيشغّلوا ويدفعوا
الـ AI ذكي بس مش حر ومش مستقل ومش بيقرر لوحده
لحد دلوقتي على الأقل 😉