التعلم الذاتي في البرمجة فى زمن الـ AI

خلينا متفقين على حاجة مهمة…
التعلم الذاتي في البرمجة مش رفاهية، ده فرض عليك كمبرمج.

مفيش مبرمج شاطر مش بيعرف يتعلم لوحده.
الكلية أو الكورس بيدوك أول الخيط…
بس الباقي بتاعك إنت.

التكنولوجيا بتتغير كل يوم، ولو استنيت حد يعلمك كل جديد، هتلاقي نفسك Outdated في شهرين 😅
زمان كان الكلام التقليدي:

• دور على Google
• اقرأ Documentation
• اسأل في StackOverflow

وده كله صح 💯
بس إحنا في 2026… والقواعد اتغيرت.

المشكلة مش إن المعلومة ناقصة… المشكلة إن المعلومات بقت كتير جدًا 🧠​

دلوقتي تفتح ChatGPT أو Gemini
تكتب Prompt
يطلعلك الكود جاهز ✨
كوبي بيست… ويشتغل.
وتحس إنك تنين مجنح 🐉😂

بس لو إنت مش فاهم اللي بيتكتب…
إنت كده بتقتل أهم عضلة عند أي Developer شاطر:

💪 عضلة Problem Solving​

الذكاء الاصطناعي سلاح ذو حدين:

• يا يخليك Super Developer إنتاجيته عالية جدًا
• يا يخليك Basmagy Pro Max ومش فاهم سطر كود

ولو الـ AI وقف؟ إنت كمان هتقف 🫥

---

طيب نذاكر إزاي صح في زمن الـ AI؟ 👇
امشي بالـ Algorithm دي 👇

1️⃣ حدد الـ Scope قبل ما تبدأ 📌​

أكبر غلطة إنك تفتح يوتيوب وتمشي ورا Autoplay 😅
بدل كده، اسأل AI نفسه:

Create a study plan for [Topic] covering A to Z with practical project ideas

هو يرسم لك الطريق 🗺️ بس إنت اللي تمشيه.
هو يديك العناوين… إنت تروح تذاكر وتطبق بجد.

2️⃣ قانون 30 / 70 (Input vs Output) ⚖️​

لو وقت مذاكرتك ساعة:

• 20 دقيقة (30%) قراءة / مشاهدة
• 40 دقيقة (70%) كتابة كود

التعلم الحقيقي بيحصل وانت بتكتب 👨‍💻
مش وانت بتتفرج.

خليه Explainer مش Solver 🚨
لو عطلت في Error… متقولش: Fix my code
قول: Explain the error and give me hints
خليه يشرحلك الفكرة…
بس متخلوش يكتب الحل النهائي غير لما تعصر دماغك الأول.
الحركة دي لو اتعودت عليها… بتدمر الـ Problem Solving تمامًا.

3️⃣ Project-Based Learning 🛠️​

اهرب من Tutorial Hell 😵‍💫
متحفظش أدوات… افهم بتتستخدم ليه.

بدل ما تذاكر Loops وخلاص
اعمل برنامج يطبع اسمك 10 مرات.

بدل ما تحفظ React Hooks اعمل Todo App بسيط.
وخلي AI يبقى Challenger مش مدرس بيملي عليك.
قول له:

Give me a coding challenge based on [Concept I just learned] without the solution

خليه هو الـ Interviewer 👔 مش اللي بيغشك.

4️⃣ استخدمه كـ Code Reviewer مش Copy Machine 🧾​

بعد ما تكتب الكود بمجهودك… قوله:

Review my code regarding clean code and performance. What can be improved?

هتتفاجئ بملاحظات ترفع مستواك سنين قدام 🚀
بقى عندك Tech Lead قاعد جنبك ببلاش.

---

أهم مهارة دلوقتي مش Syntax ❌​

مهندس البرمجة الشاطر في 2026 مش هو اللي حافظ Syntax.
هو اللي:

• بيعرف يسأل صح
• يفهم الإجابة
• يعدل عليها
• يوظفها في المكان الصح

دي مهارة اسمها AI Collaboration 👌

---

طب ليه ناس لسه تايهة رغم وجود AI؟ 😔​

رغم كل الأدوات دي… ناس كتير بتحس إنها:

• تايهة
• محبطة
• مش عارفة تبدأ منين

المشكلة إن AI:
✔ يجاوبك فنيًا
❌ بس معندوش وعي بيك
❌ ولا بظروفك
❌ ولا بيحاسبك
وأحيانًا يطبطب عليك وخلاص 😂
وده يخلي ناس توقف في نص الطريق.

---

الخلاصة ❤️​

الذكاء الاصطناعي أداة عظيمة… بس هو مكبر.
لو إنت شاطر → هيخليك أشطر بكتير 🚀
لو إنت بتكسل → هيخليك تكسل أكتر 😅
اتصاحب على الـ AI بس متسلموش دماغك.
التعلم الذاتي في البرمجة دلوقتي مش إنك تجيب المعلومة… لكن إنك تعرف تستخدمها صح.