كل حاجة عن Web3.0 والفرق بين Web1 و Web2

كل اللي محتاج تعرفه عن تقنيات Web3.0 ​

مؤخرًا كتير الكلام عن Web3.0، وازداد ظهوره في مواقع التواصل الاجتماعي، الإعلام، وحتى في الأخبار التقنية. في المقال ده هنتعرف على Web1.0, Web2.0, Web3.0 وإيه الفرق بينهم بطريقة مبسطة.

التخزين المركزي vs اللامركزي ​

• تخزين مركزي: البيانات بتتخزن في قاعدة بيانات واحدة، ومالكها يقدر يتحكم فيها زي ما يحب.
• تخزين لا مركزي: البيانات بتتوزع على شبكة من العقد self-governing، محدش يقدر يتحكم فيها لإنها مش تابعة لأي جهة أو مؤسسة.

الويب 1 (Web1.0) ​

ده أول عصر للويب. المواقع كانت Static Pages يعني صفحات ثابتة، ومطور الموقع هو نفسه اللي بينشر المحتوى. المستخدم كان مجرد مستهلك، يقدر يشوف المحتوى بس مش يقدر يعدّل أو يضيف حاجة.
في المرحلة دي المواقع كانت مستضافة على حواسيب المطورين نفسها، وكان الوصول ليها محتاج معرفة الـ IP بتاع الأجهزة.

الويب 2 (Web2.0) ​

اللي احنا فيه دلوقتي. كل منصات التواصل الاجتماعي تقريبًا فيسبوك، تويتر، يوتيوب، أمازون بتشتغل بالويب 2، وده نظام مركزي.
المستخدم مش بس بيشوف المحتوى، لأ ده يقدر يتفاعل، يعدل، وينشر محتوى جديد. بس المهم تعرف إن المنشورات مش ملكك بالكامل، بل لشركة المنصة اللي انت بتستخدمها.

عيوب Web2.0 ​

• لازم توافق على شروط استخدام فيها بيانات شخصية.
• كل تحركاتك مسجلة.
• محدش يديك تحكم كامل على بياناتك.
• مش بتاخد مقابل المحتوى اللي بتقدمه.
• حسابك وبياناتك معرضة للاختراق.
• بياناتك ممكن تتباع للمعلنين للتسويق المستهدف.

الويب 3 (Web3.0) ​

Web3 هو نقلة نوعية، بيستخدم الذكاء الاصطناعي ومعالجة لامركزية للمعلومات.

مميزات Web3 ​

• لا مركزي: شغال على نظام peer-to-peer، محدش يقدر يسيطر بشكل فردي.
• مجهول الهوية: هويتك مش مهمة لاستخدام النظام، يعني أمان أكتر.
• خالي من التأثير والسيطرة: أي شخص جزء من النظام ليه نفس الحقوق.
• تحقيق الدخل بسهولة: أي مساهم في النظام ممكن يكافأ.

عيوب Web3 ​

• تقنيات جديدة، ممكن تواجه صعوبة في حل المشاكل.
• صعوبة في الحصول على وظيفة في البداية، أغلب الشركات عايزة Senior Developers.

نصيحة: انضم لمجتمعات زي Discord وابني علاقات أثناء التعلم.

خلاصة ​

Web3.0 مش بديل كامل للـ Web2.0، لكنه حل بعض مشاكلها وبيفتح فرص جديدة. معظم الشركات دلوقتي لسه بتستخدم Web2، لكن تعلم Web3 استثمار للمستقبل.
مثال: قبل كده العملات الرقمية زي Bitcoin كانت غريبة على الناس، دلوقتي بقت مستقبلية. Web3 ممكن يكون كده برضه.

​