عشرون نصيحة لتكون IT سعيداً

[x32x01]

عشرون نصيحة لتكون IT سعيداً

1. وراء كل IT سعيد فلوس كثيرة بلا إسم شركة بلا بطيخ ، يعني لو عندك عرض أفضل من شركة أصغر روح و إنت مغمض.
2. لما تشوف مديرك قافش بدون سبب أوعى تسيبه من غير ما تخليه قافش بسبب إشمعنى دمك يتحرق لوحدك.
3. إعمل لنفسك شو على أي حاجة تعملها حتى و لو كانت بسيطة من وجهة نظرك.
4. إفهم إن كل ما المشاكل تزيد تبقى إنت كدة وجودك مهم.
5. حب نفسك شويه ومتبهدلهاش معاك بسبب الأوڤر تايم.
6. لما تشتغل ١٢ ساعة يوميا هتعيش إمتى يا معلم.
7. بلاش ترهق نفسك زيادة عشان تثبت إنك كفأ كدة كدة مش هتزيد إلا لو جيبت أوفر أفضل من شركة تانية و حسبنا الله و نعم الوكيل.
8. نكد على موظفين الشركة و لكن تذكر أنه من يدعو للقتال عليه أن يكون الرجل اﻷول في المعركة.
9. لو مديرك واحدة و قفشت و سألتها إيه اللي مزعلك و قالتلك و لا حاجة إعتذر بسرعة عن الولا حاجة اللي إنت عملتها و بلاش ولا حاجة تاني إحترم نفسك شوية.
10. العلاوة اللي تيجي على حساب كرامتك دة مش دليل إنك كفأ و لكن دليل إنك مهزأ.
11. تأكد إنك لو معاك بنات في الشغل و وضعوك عند مديرك في كفة و البنات في كفة لرجحت كفة الموزز حسب قوانین نیوتن.
12. لما تقفل باب الداتا سنتر وتسمع صوت حاجة غريبة سيبها و إمشي دي مش مشكلتك دي مشكلة اللي هيفتح الداتا سنتر بعدك.
13. أول ما تلاقي مديرك بيطلب طلبات فضائية إعرف ان الفراغ فشخ المنطق.
14. لو في شغلانة طُلبت منك و إنت مش مقتنع بيها إقلب حلاق تخصص دقن و سوالف.
15. خنق على اليوزر لحد ما تدفعه للانتحار و عشان يكون حلال و ضميرك مرتاح خليه يشنق نفسه بزينة رمضان.
16. لو إتخانقت مع مديرك و إنت على حق و هددك متخافش مش هيقدر يعملك حاجة إفتكر إن الزمالك تراجع عن الانسحاب من الدوري أكتر ما فاز به.
17. حاول تحب مديرك حتى لو مفيش أي حاجة في ميتين أمه تتحب.
18. متديش نصيحة لغبي عشان متعرفش بغباؤه هينفذها إزاي.
19. الرزق واحد و محدش رزقه بيزيد و لا بينقص عن حد بس مفيش مانع إنك تظبط أمورك مع ال HR.
20. إذا عصفت الرياح بـخيمتك و فصلوك بعد نصائحي لك فاعلم أن الله قد شاء أن تبنى مكانها قصرا.

بعد الـ 20 نصيحة والكلام الكبير ده نركز بقا فى المهم
منتديات أكتب كود لعلوم الحاسوب .. هى بيتك الثانى لكل ما تحتاجه من برمجة وقواعد البيانات والشبكات والأختراق والأمن والحماية