- بواسطة x32x01 ||
عارفين ايه الفرق بين الحرامي والنصاب !!
الحرامي دا بيسرق منك فلوسك خِلّسة أو غصب عنك .. أما النصاب فهو بيخليك تديله فلوسك طواعية أو بإرادتك الحرة .. ودا من خلال الحيل اللي بيمارسها عليك بيقدر من خلالها يقنعك أنك تديله فلوسك وأنت تحت تأثير حيله اللي من خلالها بيوهمك بحاجة على خلاف الحقيقة.
تعالوا بقى نطبق دا في عالم ال cyber security.
فيه مصطلح دائماً بنسمعه واحنا بنقرأ عن تحقيقات الجرائم الإلكترونية اسمه "الهندسة الإجتماعية Social Engineering" ياترى ايه المصطلح دا وبيرمز لايه !!؟
بص ياسيدي "الهندسة الإجتماعية"، المقصود بيها هو الحيل اللي بيستخدمها المجرم عشان ياخد منك معلومات يقدر من خلالها ينفذ جريمته.
تعالوا نضرب مثال بسيط.. الواقع الجنائي في مصر أفرزلنا العديد من الجرائم وتجسدت برضه في العديد من الأفلام والدراما المصرية بنلاقي فيها إن الحرامي بيحاول يوقع الشغالة في حبه ويرسم عليها الحب عشان يحصل منها على معلومات عن الناس اللي شغالة عندهم زي بيناموا امتى وبيصحوا امتى وبيخبوا الدهب والفلوس فين .. إلخ.
الحرامي هنا عشان يجمع معلومات يقدر من خلالها ينفذ جريمة السرقة اضطر يستخدم الحيل في أنه يرسم الحب على الشغالة عشان يجمع من خلال معلومات تساعده في تنفيذ جريمته.
اللي حصل دا بقى نوع من أنواع الهندسة الإجتماعية
عشان كده الباحثين الأمنين وصفوا الهندسة الإجتماعية في مجال الهجمات الإلكترونية بأنها فن الاختراق النفسي للبشر للحصول على معلومات غير مصرح بها.
طب تعالوا نضرب مثال تاني بأكتر واقعة كلنا تقريباً اتعرضنالها وهي أننا بنلاقي شخص جميل بيكلمنا يقولنا صباح/مساء الخير يافندم أنا فلان من بنك كذا وبنعمل تحديث للبيانات وعاوزين من حضرتك رقم ال debit card أو ال credit card بتاعة حضرتك .. المجرم دا مش ساذج زي ماحضرتك شايفة بالعكس في ناس كتير من أهالينا طيبين وبيصدقوا وبيقولوا كل التفاصيل.
طبعاً هنا الهاكر لجأ لأسهل الطرق عشان يجمع معلومات يقدر من خلالها يسرق الحسابات البنكية.
مثال تاني .. عارفين الصفحات المنبثقة اللي بتظهرلنا واحنا بنتصفح زي مثلا تلاقي صفحة فتحت لك على الموبايل وأنت بتقلب على الانترنت يقولك موبايلك فيه فيروس اضغط هنا بسرعة عشان تنزل برنامج مضاد للفيروسات يحذفه .. أو تلاقي صفحة منبثقة بتقولك موبايلك سخن جداً واضغط هنا عشان تنزل تطبيق يساعدك في حل المشكلة... اهو كل دا بقى نوع من أنواع الهندسة الإجتماعية.
طب تعالوا نتكلم أكتر عن استخدام الهندسة الإجتماعية في الجرائم الإلكترونية وأشكالها وصورها المختلفة.
طبعاً مفيش حصر معين لأشكال وصور الهندسة الإجتماعية في الجرائم الإلكترونية لكن تعالوا نتكلم عن أشهر ٥ أنواع بيتم استخدامهم:
١- انتحال الشخصية ( Impersonating )
٢- سرقة النظر ( Shoulder Surfing )
٣- الخداع (Tricking )
٤- التتبع (Tailgating)
٥- البحث في المخلّفات ( Dumpster Diving )
أول حاجة وهو انتحال الشخصية ( Impersonating )
ودا بيتم فيه انتحال صفة شخص صاحب سلطة عشان يقدر يحصل منك على معلومات يعني هيقولك أنه ظابط مباحث.. أمن وطني .. موظف بنك .. إلخ .. هينتحل أي صفة يقدر من خلالها ياخد منك المعلومات اللي عاوزها.
تاني حاجه هي سرقة النظر ( Shoulder Surfing )
ودا بيكون شخص مركز معاك أوي وأنت بتكتب أي باسورد سواء موبايل أو ATM أو أكونت حساباتك على مواقع التواصل الإجتماعي... إلخ المهم أنه بالبلدي كده راشق عينه معاك وأنت بتكتب أي باسورد.
تالت نوع وهو الخداع (Tricking )
ودا أكتر مثال شائع ليه هو الرسائل اللي غالبية الشعب المصري بيتخدع فيها وهي اضغط على الرابط التالي لتحصل على عروض كارفور أو أمازون أو أعرف من زار بروفايلك... إلخ.
رابع نوع وهو التتبع (Tailgating)
ودا بيكون من خلال تتبع شخص له صلاحية الدخول لمواقع معينة واستخدم الحيل عشان أوقعه وأقدر من خلاله الدخول للأماكن دي، يعني زي متابعة شخص ماسك وظيفة في شركة ما وله صلاحية الدخول على شبكاتها وكل الداتا الموجودة على الشبكة، فأنا أتتبعه وأراقبه وأستخدم ضده حيل زي لو عرفت أنه بيحب يسمع عمرو دياب فأبعتله رابط مكتوب فيه مبروك كسبت حفلة مجانية لعمرو دياب فينخدع فيه ويضغط عليه وأقدر من خلاله اختراقه والدخول للأماكن اللي له صلاحية الدخول إليها.
خامس نوع وهو البحث في المخلّفات ( Dumpster Diving)
ودا زي ماهو موضح من اسمه بيتم من خلال البحث في سلة المحذوفات recycle bin عن الملفات اللي حذفتها يمكن يكون فيها معلومة مهمة.. عشان كده بننصح ب Shift+delete لأي ملفات عاوز تتخلص منها.. حتى لو ورق تقدر تقطعه أو تستخدم آلة تقطيع الأوراق shredder
وأخيراً لازم نعرف إن الهندسة الإجتماعية مش بيتم استخدامها في ال Cyber Crimes بس ولا بيتم استخدامها عشان اختراق مواقع وشبكات وبنوك وسرقة فلوس بس .. لا الموضوع أحياناً بيكون أكبر وبيتم استخدامه من قبل أجهزة استخباراتية للحصول على معلومات وتحقيق أهداف سياسية.
طولت عليكوا أنا عارف .. بس عشان دا من أهم الموضوعات اللي حابب أتكلم عنها بإستفاضة وبسلاسة عشان توصل لكل الناس.. لأن دوري هنا توعوي أكثر من كونه مشاركة معلومات للباحثين.
طبعاً دا جزء بسيط جداً عن الهندسة الإجتماعية والحديث له بقية.
الحرامي دا بيسرق منك فلوسك خِلّسة أو غصب عنك .. أما النصاب فهو بيخليك تديله فلوسك طواعية أو بإرادتك الحرة .. ودا من خلال الحيل اللي بيمارسها عليك بيقدر من خلالها يقنعك أنك تديله فلوسك وأنت تحت تأثير حيله اللي من خلالها بيوهمك بحاجة على خلاف الحقيقة.
تعالوا بقى نطبق دا في عالم ال cyber security.
فيه مصطلح دائماً بنسمعه واحنا بنقرأ عن تحقيقات الجرائم الإلكترونية اسمه "الهندسة الإجتماعية Social Engineering" ياترى ايه المصطلح دا وبيرمز لايه !!؟
بص ياسيدي "الهندسة الإجتماعية"، المقصود بيها هو الحيل اللي بيستخدمها المجرم عشان ياخد منك معلومات يقدر من خلالها ينفذ جريمته.
تعالوا نضرب مثال بسيط.. الواقع الجنائي في مصر أفرزلنا العديد من الجرائم وتجسدت برضه في العديد من الأفلام والدراما المصرية بنلاقي فيها إن الحرامي بيحاول يوقع الشغالة في حبه ويرسم عليها الحب عشان يحصل منها على معلومات عن الناس اللي شغالة عندهم زي بيناموا امتى وبيصحوا امتى وبيخبوا الدهب والفلوس فين .. إلخ.
الحرامي هنا عشان يجمع معلومات يقدر من خلالها ينفذ جريمة السرقة اضطر يستخدم الحيل في أنه يرسم الحب على الشغالة عشان يجمع من خلال معلومات تساعده في تنفيذ جريمته.
اللي حصل دا بقى نوع من أنواع الهندسة الإجتماعية
عشان كده الباحثين الأمنين وصفوا الهندسة الإجتماعية في مجال الهجمات الإلكترونية بأنها فن الاختراق النفسي للبشر للحصول على معلومات غير مصرح بها.
طب تعالوا نضرب مثال تاني بأكتر واقعة كلنا تقريباً اتعرضنالها وهي أننا بنلاقي شخص جميل بيكلمنا يقولنا صباح/مساء الخير يافندم أنا فلان من بنك كذا وبنعمل تحديث للبيانات وعاوزين من حضرتك رقم ال debit card أو ال credit card بتاعة حضرتك .. المجرم دا مش ساذج زي ماحضرتك شايفة بالعكس في ناس كتير من أهالينا طيبين وبيصدقوا وبيقولوا كل التفاصيل.
طبعاً هنا الهاكر لجأ لأسهل الطرق عشان يجمع معلومات يقدر من خلالها يسرق الحسابات البنكية.
مثال تاني .. عارفين الصفحات المنبثقة اللي بتظهرلنا واحنا بنتصفح زي مثلا تلاقي صفحة فتحت لك على الموبايل وأنت بتقلب على الانترنت يقولك موبايلك فيه فيروس اضغط هنا بسرعة عشان تنزل برنامج مضاد للفيروسات يحذفه .. أو تلاقي صفحة منبثقة بتقولك موبايلك سخن جداً واضغط هنا عشان تنزل تطبيق يساعدك في حل المشكلة... اهو كل دا بقى نوع من أنواع الهندسة الإجتماعية.
طب تعالوا نتكلم أكتر عن استخدام الهندسة الإجتماعية في الجرائم الإلكترونية وأشكالها وصورها المختلفة.
طبعاً مفيش حصر معين لأشكال وصور الهندسة الإجتماعية في الجرائم الإلكترونية لكن تعالوا نتكلم عن أشهر ٥ أنواع بيتم استخدامهم:
١- انتحال الشخصية ( Impersonating )
٢- سرقة النظر ( Shoulder Surfing )
٣- الخداع (Tricking )
٤- التتبع (Tailgating)
٥- البحث في المخلّفات ( Dumpster Diving )
أول حاجة وهو انتحال الشخصية ( Impersonating )
ودا بيتم فيه انتحال صفة شخص صاحب سلطة عشان يقدر يحصل منك على معلومات يعني هيقولك أنه ظابط مباحث.. أمن وطني .. موظف بنك .. إلخ .. هينتحل أي صفة يقدر من خلالها ياخد منك المعلومات اللي عاوزها.
تاني حاجه هي سرقة النظر ( Shoulder Surfing )
ودا بيكون شخص مركز معاك أوي وأنت بتكتب أي باسورد سواء موبايل أو ATM أو أكونت حساباتك على مواقع التواصل الإجتماعي... إلخ المهم أنه بالبلدي كده راشق عينه معاك وأنت بتكتب أي باسورد.
تالت نوع وهو الخداع (Tricking )
ودا أكتر مثال شائع ليه هو الرسائل اللي غالبية الشعب المصري بيتخدع فيها وهي اضغط على الرابط التالي لتحصل على عروض كارفور أو أمازون أو أعرف من زار بروفايلك... إلخ.
رابع نوع وهو التتبع (Tailgating)
ودا بيكون من خلال تتبع شخص له صلاحية الدخول لمواقع معينة واستخدم الحيل عشان أوقعه وأقدر من خلاله الدخول للأماكن دي، يعني زي متابعة شخص ماسك وظيفة في شركة ما وله صلاحية الدخول على شبكاتها وكل الداتا الموجودة على الشبكة، فأنا أتتبعه وأراقبه وأستخدم ضده حيل زي لو عرفت أنه بيحب يسمع عمرو دياب فأبعتله رابط مكتوب فيه مبروك كسبت حفلة مجانية لعمرو دياب فينخدع فيه ويضغط عليه وأقدر من خلاله اختراقه والدخول للأماكن اللي له صلاحية الدخول إليها.
خامس نوع وهو البحث في المخلّفات ( Dumpster Diving)
ودا زي ماهو موضح من اسمه بيتم من خلال البحث في سلة المحذوفات recycle bin عن الملفات اللي حذفتها يمكن يكون فيها معلومة مهمة.. عشان كده بننصح ب Shift+delete لأي ملفات عاوز تتخلص منها.. حتى لو ورق تقدر تقطعه أو تستخدم آلة تقطيع الأوراق shredder
وأخيراً لازم نعرف إن الهندسة الإجتماعية مش بيتم استخدامها في ال Cyber Crimes بس ولا بيتم استخدامها عشان اختراق مواقع وشبكات وبنوك وسرقة فلوس بس .. لا الموضوع أحياناً بيكون أكبر وبيتم استخدامه من قبل أجهزة استخباراتية للحصول على معلومات وتحقيق أهداف سياسية.
طولت عليكوا أنا عارف .. بس عشان دا من أهم الموضوعات اللي حابب أتكلم عنها بإستفاضة وبسلاسة عشان توصل لكل الناس.. لأن دوري هنا توعوي أكثر من كونه مشاركة معلومات للباحثين.
طبعاً دا جزء بسيط جداً عن الهندسة الإجتماعية والحديث له بقية.