كيف تمت برمجة البرمجة

بداية الحواسيب والتجريد ​

تعالوا نفهم إزاي بدأت البرمجة من زمان. الموضوع كله بدأ بـ التجريد (Abstraction)، وده ببساطة طريقة بنحوّل بيها أوامر الكمبيوتر الرقمية (0 و1) لحاجات نفهمها كبشر، عشان نقدر نبرمج بسهولة.

أول أجهزة الكمبيوتر كانت ميكانيكية ، عبارة عن تروس وأجزاء بتحسب الأرقام وتعمل عمليات جمع وطرح، ومفيش وقتها برمجة زي دلوقتي. الجهاز كله كان البرنامج نفسه. من الآلات المشهورة وقتها كانت آلة باباج.

آلة Enigma وBombe ​

خلال الحرب العالمية التانية، الألمان استخدموا آلة Enigma لتشفير الرسائل. عشان يفكوا الشفرات كانوا محتاجين آلات بتحسب أسرع وتقدر تتغير كل يوم. هنا ظهرت آلة Bombe، والبرمجة كانت بتتم عن طريق:

• تغيير بعض القطع والتوصيلات الكهربائية.
• استخدام أفلام التثقيب ، وهي بطاقات فيها ثقوب: وجود الثقب = 1، غياب الثقب = 0.

اللي كان بيكتب البرامج وقتها كان اسمه مشغل الكمبيوتر، لأنه مجرد بينفذ الأوامر مش أكتر.

تطور الأجهزة وأنظمة التشغيل ​

مع مرور الوقت، ظهرت الصمامات المفرغة وبعدها الترانزستور .
ده ساعد في تطوير أجهزة الكمبيوتر وابتكار نظم التشغيل، اللي بقت تسهّل علينا كتابة البرامج، ومبقيناش محتاجين مشغل يكتب كل حاجة.

لغة التجميع Assembly Language ​

بعد كده ظهرت لغة التجميع (Assembly Language)، وهي الطبقة الأولى بعد لغة الآلة.
كانت بتتعامل مباشرة مع الكمبيوتر، وده كان صعب شوية على المبرمجين، لأنهم كانوا بيكتبوا كل أمر بالتفصيل عشان الـ CPU يفهمه.

ظهور لغة C وC++ ​

النقلة الكبيرة حصلت مع لغة C، اللي سهّلت كتابة الكود وتحويله للآلة.
بعدها ظهرت C++، اللي جابت مكتبات جاهزة وميزات كتير، ووفرت على المبرمجين وقتهم ومجهودهم.
ومن هنا لغات البرمجة ابتدت تتطور كل يوم ، وظهر الجديد في كل نسخة.

الخلاصة ​

النهاردة كل واحد بيبرمج بلغته المفضلة، لكن القصة كلها بدأت من آلة ميكانيكية بسيطة، لحد لغة C وC++، واللي بدورها فتحت الباب لعالم كبير من لغات البرمجة الحديثة.