أخطاء في البرمجة لازم تعرف أنواعهم الآن

أنواع الأخطاء في البرمجة ​

مبدئيا لازم نعرف إن الأخطاء في البرمجة أو الـ Errors ليها نوعين أساسيين: Static و Dynamic.

الأخطاء الثابتة (Static Errors) ​

الـ Static Errors دي الأخطاء اللي الـ Compiler بيكتشفها قبل ما الكود يشتغل. ودي بتتقسم لنوعين:

1- Syntax Error ​

دي ببساطة لما تكتب الكود غلط والـ Compiler مش قادر يفهمه أو يعمل له Debug.
أمثلة:

• نسيت الـ Semi Colon ; في ++C.
• استخدمت [ ] بدل { } في الـ For loop.

2- Semantic Error ​

دي بتعتمد على ترتيب الكود أو طريقة كتابته.
مثال:

• تعمل Print لمتغير Variable من غير ما تعمّره Declare من الأول.

الأخطاء الديناميكية (Dynamic Errors) ​

الـ Dynamic Errors دي الأخطاء اللي بتظهر فعلًا لما الكود يشتغل Run. ودي كمان لها نوعين:

1- Logical Error ​

لو مركّزش فيها، هتلاقي الكود بيعمل حاجة غلط من غير ما يظهر Error صريح.
مثال:

• بدل ما تكتب if(x==5)، كتبت if(x=5)، فبدل ما تقارن القيم، بقيت بتدي قيمة للمتغير .

2- Run-Time Error ⏱​

النوع دا شائع جدًا، وبيظهر أثناء تشغيل البرنامج.
أبسط مثال:

• تقسيم أي رقم على صفر، وده بيعمل Crash للكود فورًا .