- بواسطة x32x01 ||
كيف الحصول علي الوظيفة How to get a Job
الموضوع ده جرح حرفيا ومتأكد تماما ان 80% من الخربجبن محتاجين للبوست دا وبكل ثقة لازم تركز معاي لأنو دا مسيرك
والبوست طويل حرفيا افضي ليه شوية وكمل في المتابعة
ح اديك كلام عمرك ما سمعت عند حد ولا ح تسمعها ودا لأنو انا دائما ما قاعد اخبي الحقيقة نهائيا وبكون صريح مع الجميع رضيت ام أبيت
وبي حكم كثرة الأسئلة اللي بتجيني في الخاص حبيت الخص ليكم الموضوع في بوست شامل وبالمرة الفائدة تعم الجميع.
تعال نقول مثلا انك خريج جديد أو لسة يداب علي أبواب التخرج أو قديم ما مهم المهم انك في رحلة بحث عن وظيفة محترمة وبي مرتب عالي وفي شركة كبيرة في مكان تعجبك حلو كدا عارفك كويس لأنو انا كمان مريت بنفس المرحلة اللي انت هسي فيها
طيب اول حاجة وبدون مجاملة بدون زعل وعشان ما تقعد تغش في نفسك تعال اقول ليك كلام للآخر كدا ...
انت قايل نفسك الشركات قاعد تنتظرك عشان انت تتخرج وطوالي تحضنك وتديك مرتب علي قدر نيتك ؟ ويدلعوك زي ما كنت تتدلع في بيتكم وسط اهلك ! لو انت مفتكر كدا اذن انت محتاج فرمطة علشان توعى . ي حبيبي انت داخل في عالم بيزنبس انت داخل في منافسة عالمية بين خريجين من جامعات مختلفة ودول مختلفة وبي مهارات مختلفة ودا يعني انو انت لا تمثل شيء علي الشركات لأنو في الف غيرك وزيك ويمكن في غيرك بمهارات افضل منك عشان كدا افتح عيونك وركز في الكلام الجاي دا .
دا كان النقطة الأول المفروض تختو في بالك علشان ما تتخرج وتكون متحمس انك اول شركة تقدم ليهم ال CV حقك حيردو عليك في يوم واخد طوالي ويلا استلم الشغل والمرتب العالي الفي خيالك
النقطة التانية والأهم ما توهم نفسك في موضوع المرتب وانك عايز وظيفة ظابطة و و و لأنو ببساطة اي حد بقعد في المكان المتناسب مع مهاراتو وشهاداتو مهما كان مرتبك قدر مهاراتك ما اكتر ... حتى ولو انت لقيت الوظيفة بالواسطة، الواسطة دا شيء فيها جانبين الجانب الحقيقي فيهو انو الواسطة الصح هي عبارة عن وظيفة بالتوصية مثلا انا ك زين يجيني شركة يقول لي ي باش مهندس نحنا شركة X عايزين مهندس شاطر من طرفك بيعرف بعمل كذا وكذا وكذا ي ريت تشوف لينا واحد من طلابك او من اصحابك لأنو نحنا ما عندنا وقت نقعد نعمل معاينات وكلام كتير عايزين مهندس مضمون من طرفك ، اتخيل هل يعقل اني اجيب ليهم واحد ما فاهم ؟ لكل تأكيد حتى ولو اخوي لو ما قدر المهام ما بجيبو ليهم ، دا الجانب الصح ، اما الجانب الخفي انك شغال في شركة مثلا بتاع HR والشركة محتاج واحد فني IT وفعلا في قسم IT فيهو شباب بس عايزين زيادة وانت تقوم تجيب ود عمك وانت عارف انو راسو فاضي بس انت ما بهمك لأنك عارف انو حيكون في ناس ممشين الشغل معاهو حتى لو هو ما فاهم .
طيب السؤال هنا انت منتظر اي فرصة من ديل الأول ولا الثاني لو قلت الثاني يبقى انت ...... تمها براك اوصف نفسك ، أما لو قلت الأول يبقى انت المفروض تجي وتقرأ الجزء التاني من البوست عشان تكون جاهز فعلا ومؤهل تقدر تصطاد الفرصة صح
في حاجة اسمو السيرة الذاتية CV تعرف انت صح، شنو هو ال CV ؟ ايواا انا عارف انك سمعت بيها بس خليني اديك تعريف بسيط بشكل كدا بسيط
لو سألتك سوأل انت منو؟ وبتعرف شنو؟ وقريت شنو ؟ احكي لي عن نفسك؟ .... بكل بساطة اكيد ما حتقلبك انك تجاوب علي الأسئلة دا وح تبدأ انا فلان ، قريت في جامعة كذا ، متخصص كذا ، بعرف بشتغل كذا وكذا وكذا ووووو .. . بس دا هو القصد من ال CV بكل بساطة انك توريني انت منو وبتعرف شنو.
طيب هنا في عالم الوظائف الحاجة دا مهم جدا وفي معايير متفقة عليها الكل ملتزمة بيها وبكتب بناء عليها السيرة الذاتية حقهو
يلا كدا نحنا ماشين صح مية المية الخطوة البعدها المفروض نعمل شنو علشان ال CV بتاعنا يكون قوي ونقدر تنافس بيهو مع الباقين في الوظائف؟
اكيد مطلوب مننا اول خطوة اننا نحدد نفسنا نحدد ال Track اللي نحنا عايزين نمشي فيها بكل بساطة !
يعني انت خريج IT صح ! في ال CV ما عايزنك تكتب IT لا لا في مسميات وظيفية بناء علي التخصصات الداخلية في محال ال IT مثلا Network, Database, programming, multimedia, Data analysis وهكذا دا التخصصات المفروض انت تخت نفسك في واحد منها وتتعمق فيها بشكل احترافي عشان لمن تمشي في اي مكان تغرف نفسك بتخصصك فهمتني صح ؟ !
طبعا الموضوع بتاع التخصص دا موضوع طويل وفي بوست في الصفحة بتكلم عن كيف تختار تخصصك انت ك طالب جامعي الجزء الأول وعندنا جزء تاني حنتكلم عنها أن شاءالله عشان يكون واضح لكل الطلاب ويختارو تخصص صح .
بعد اخترت تخصصك هنا حتبدا رحلتك في احتراف الذات تبدأ تدرس كورسات مكثفة وتطبق كتير وتجمع في Certifications و Skills و Knowledge كتيرة عشان تكون مؤهل تماما
النقطة الثالثة والأهم الأهم بعد دا انت عايز تكتب ال CV بتاعك وقبل ما تكتب المفروض تبدأ تشوف انت عايز تقدم وين الجهة اللي انت عايز تقدم فيهو ونوع الوظيفة شنو بالضبط عشان ترتب مواضيعك بناء عليهو والنقطة الثانية بعد تجي تقدم لازم تقرأ تفاصيل الوظيفة ال Jop Responsibility وتشوف هل هي متوافقة مع ال Skills بتاعك ولا لا او متوافقه بنسة كم في المية عشان ما تقد ترمي ال CV بتاعك في مكان اصلا ما مناسبك لأنو بكل تأكيد بتكون بتفش في روحك ساي .
اقعد وظبط السيرة الذاتية بصورة جيدة وبي الأسلوب المطلوبة!
لمن نقول ظبطتو ما يعني أنك تقعد تتفنن في الألوان أخضر اصفر احمر وتجيب ليك اخر صورة بتاعتك تختو لا لا ما كدا التظبيطة ي فنان
التظبيطة انك تحاول ترتب ال Certifications وال skills بتاعك وتلخص حياتك والشي اللي في رأسك بي اسلوب واضح ومرتبة عشان بتاع ال HR لمن يعاين علي ال CV حقك من اول 10 ثواني يلفت انتباه في السيرة حقك ويختك من ضمن المصنفين للمعاينة فهمتني صح فهمت السر هنا وين ! هنا نحنا ما عايزين حاجة عايزين بس ندخل المعاينة ومنها نوريهم نحنا منو بشكل مباشر ونخليهم ما يعاينو لغيرنا ونكسب الوظيفة بشكل مضمون ، يعني بعد مرات ال HR بكون حاتين ليهو ورقة فيهو المهام المطلوب من الموظف ال حتتعين يلا بعاين هناك ويعاين في ال cv حقك ويقارن
اديك الموضوع بشكل ابسط
يعني مثلا لو حد عايز يقدم لوظيفة مهندس شبكات Network Engineer حتركز في ايه ؟ عندك ثلاثة نقاط أساسية( your Skills و Your CV و Look at Job Responsibilities المطلوبة )
لازم تركز في المواضيع المفروض تكتبو من حيث الشهادات ومن حيث المهارات skills
الشهادات CCNA, CCNP, HCIA, CCNA Security
المهارات skills
- Managing and configuring Cisco Router and Switching
- Configuring a VLAN and VTP
- Configuring Routing Protocols RIP , EIGRP, OSPF.
- Configuring NAT
ومثلا في وظيفة System Admin
الشهادات MCSA, MCSE, AZ, vSphere
والمهارات Skills
- Managing and configuring - Microsoft windows server 2012 R2,2016 and 2019
- Managing and configuring AD
- Managing and configuring CA
- Managing and configuring Virtualization Environment
- Managing and configuring office 365 admin
دا امثله ل Job title المفروض تكتبو في عنوان ال CV بتاعك اولا لأنو دا هو الحاجة البتحدد ال cv بتاع ولازم محتوى السيرة الذاتية تناسب العنوان مثلا ما ممكن كاتب لي في ال Job title انك back end developer وتجي تكتب لي داخل ال cv انك بتعرف محاسبة إلكترونية بي اسماك او كيوبكس
Technical Support
Network Security Engineer
System Administrator
System Engineer
IT Manager
Sales Engineer
Database Engineer
Web Developer
Mobile app developer
فهمتني انا قاصد ايه
يعني ما تجي تكتب في ال Job title بتاعتك في ال cv اسم الكلية
حاسوب
تقنية المعلومات
نظم معلومات
هندسة حاسوب
اعتقد الفكرة وصلكم يعني حدد لي نفسك Track امشي عليها عشان تقدر تدرس كورسات كويس وتعمل مهارات وخبرات كويسة وتكون مؤهل لتجديد فرصة مناسب ليك.
وأهم حاجة في ال CV ظبط الجانب بتاع ال Skills اكتب كل التفاصيل بصورة مفصلة واحد وراء تاني اي حاجة في رأسك اكتبو لأنو بعد مرات انت ممكن تكون فاهم كويس وعندك شهادات كويسة لكن بسبب عدم تنسيق ال CV بتاعك عادي ما تصل المعاينة اصلا عشان يعرفوك صح فلازم تظبط ال cv صح عشان تقدر تنافس المعاينة .
الخلاصة
شهادة الجامعة + كورسات متخصصة + سيرة ذاتية مظبوط = الحصول علي فرصة افضل
عشان تحصل علي وظيفة انت تمر بي المراحل التالية
طالب جامعي > اجتهاد فردي + قراية جامعة > خريج جاهز > سيرة ذاتية قوي > منافسة في تقديم الوظائف = فرصة عمل ممتاز
اتمنى الموضوع يكون قدم لكم شيء نفيد ولو بسيط تفيدكم في حياتك
شير الموضوع عشان يوصل لعدد أكبر من أصدقائك
الموضوع ده جرح حرفيا ومتأكد تماما ان 80% من الخربجبن محتاجين للبوست دا وبكل ثقة لازم تركز معاي لأنو دا مسيرك
والبوست طويل حرفيا افضي ليه شوية وكمل في المتابعة
ح اديك كلام عمرك ما سمعت عند حد ولا ح تسمعها ودا لأنو انا دائما ما قاعد اخبي الحقيقة نهائيا وبكون صريح مع الجميع رضيت ام أبيت
وبي حكم كثرة الأسئلة اللي بتجيني في الخاص حبيت الخص ليكم الموضوع في بوست شامل وبالمرة الفائدة تعم الجميع.
تعال نقول مثلا انك خريج جديد أو لسة يداب علي أبواب التخرج أو قديم ما مهم المهم انك في رحلة بحث عن وظيفة محترمة وبي مرتب عالي وفي شركة كبيرة في مكان تعجبك حلو كدا عارفك كويس لأنو انا كمان مريت بنفس المرحلة اللي انت هسي فيها
طيب اول حاجة وبدون مجاملة بدون زعل وعشان ما تقعد تغش في نفسك تعال اقول ليك كلام للآخر كدا ...
انت قايل نفسك الشركات قاعد تنتظرك عشان انت تتخرج وطوالي تحضنك وتديك مرتب علي قدر نيتك ؟ ويدلعوك زي ما كنت تتدلع في بيتكم وسط اهلك ! لو انت مفتكر كدا اذن انت محتاج فرمطة علشان توعى . ي حبيبي انت داخل في عالم بيزنبس انت داخل في منافسة عالمية بين خريجين من جامعات مختلفة ودول مختلفة وبي مهارات مختلفة ودا يعني انو انت لا تمثل شيء علي الشركات لأنو في الف غيرك وزيك ويمكن في غيرك بمهارات افضل منك عشان كدا افتح عيونك وركز في الكلام الجاي دا .
دا كان النقطة الأول المفروض تختو في بالك علشان ما تتخرج وتكون متحمس انك اول شركة تقدم ليهم ال CV حقك حيردو عليك في يوم واخد طوالي ويلا استلم الشغل والمرتب العالي الفي خيالك
النقطة التانية والأهم ما توهم نفسك في موضوع المرتب وانك عايز وظيفة ظابطة و و و لأنو ببساطة اي حد بقعد في المكان المتناسب مع مهاراتو وشهاداتو مهما كان مرتبك قدر مهاراتك ما اكتر ... حتى ولو انت لقيت الوظيفة بالواسطة، الواسطة دا شيء فيها جانبين الجانب الحقيقي فيهو انو الواسطة الصح هي عبارة عن وظيفة بالتوصية مثلا انا ك زين يجيني شركة يقول لي ي باش مهندس نحنا شركة X عايزين مهندس شاطر من طرفك بيعرف بعمل كذا وكذا وكذا ي ريت تشوف لينا واحد من طلابك او من اصحابك لأنو نحنا ما عندنا وقت نقعد نعمل معاينات وكلام كتير عايزين مهندس مضمون من طرفك ، اتخيل هل يعقل اني اجيب ليهم واحد ما فاهم ؟ لكل تأكيد حتى ولو اخوي لو ما قدر المهام ما بجيبو ليهم ، دا الجانب الصح ، اما الجانب الخفي انك شغال في شركة مثلا بتاع HR والشركة محتاج واحد فني IT وفعلا في قسم IT فيهو شباب بس عايزين زيادة وانت تقوم تجيب ود عمك وانت عارف انو راسو فاضي بس انت ما بهمك لأنك عارف انو حيكون في ناس ممشين الشغل معاهو حتى لو هو ما فاهم .
طيب السؤال هنا انت منتظر اي فرصة من ديل الأول ولا الثاني لو قلت الثاني يبقى انت ...... تمها براك اوصف نفسك ، أما لو قلت الأول يبقى انت المفروض تجي وتقرأ الجزء التاني من البوست عشان تكون جاهز فعلا ومؤهل تقدر تصطاد الفرصة صح
في حاجة اسمو السيرة الذاتية CV تعرف انت صح، شنو هو ال CV ؟ ايواا انا عارف انك سمعت بيها بس خليني اديك تعريف بسيط بشكل كدا بسيط
لو سألتك سوأل انت منو؟ وبتعرف شنو؟ وقريت شنو ؟ احكي لي عن نفسك؟ .... بكل بساطة اكيد ما حتقلبك انك تجاوب علي الأسئلة دا وح تبدأ انا فلان ، قريت في جامعة كذا ، متخصص كذا ، بعرف بشتغل كذا وكذا وكذا ووووو .. . بس دا هو القصد من ال CV بكل بساطة انك توريني انت منو وبتعرف شنو.
طيب هنا في عالم الوظائف الحاجة دا مهم جدا وفي معايير متفقة عليها الكل ملتزمة بيها وبكتب بناء عليها السيرة الذاتية حقهو
يلا كدا نحنا ماشين صح مية المية الخطوة البعدها المفروض نعمل شنو علشان ال CV بتاعنا يكون قوي ونقدر تنافس بيهو مع الباقين في الوظائف؟
اكيد مطلوب مننا اول خطوة اننا نحدد نفسنا نحدد ال Track اللي نحنا عايزين نمشي فيها بكل بساطة !
يعني انت خريج IT صح ! في ال CV ما عايزنك تكتب IT لا لا في مسميات وظيفية بناء علي التخصصات الداخلية في محال ال IT مثلا Network, Database, programming, multimedia, Data analysis وهكذا دا التخصصات المفروض انت تخت نفسك في واحد منها وتتعمق فيها بشكل احترافي عشان لمن تمشي في اي مكان تغرف نفسك بتخصصك فهمتني صح ؟ !
طبعا الموضوع بتاع التخصص دا موضوع طويل وفي بوست في الصفحة بتكلم عن كيف تختار تخصصك انت ك طالب جامعي الجزء الأول وعندنا جزء تاني حنتكلم عنها أن شاءالله عشان يكون واضح لكل الطلاب ويختارو تخصص صح .
بعد اخترت تخصصك هنا حتبدا رحلتك في احتراف الذات تبدأ تدرس كورسات مكثفة وتطبق كتير وتجمع في Certifications و Skills و Knowledge كتيرة عشان تكون مؤهل تماما
النقطة الثالثة والأهم الأهم بعد دا انت عايز تكتب ال CV بتاعك وقبل ما تكتب المفروض تبدأ تشوف انت عايز تقدم وين الجهة اللي انت عايز تقدم فيهو ونوع الوظيفة شنو بالضبط عشان ترتب مواضيعك بناء عليهو والنقطة الثانية بعد تجي تقدم لازم تقرأ تفاصيل الوظيفة ال Jop Responsibility وتشوف هل هي متوافقة مع ال Skills بتاعك ولا لا او متوافقه بنسة كم في المية عشان ما تقد ترمي ال CV بتاعك في مكان اصلا ما مناسبك لأنو بكل تأكيد بتكون بتفش في روحك ساي .
اقعد وظبط السيرة الذاتية بصورة جيدة وبي الأسلوب المطلوبة!
لمن نقول ظبطتو ما يعني أنك تقعد تتفنن في الألوان أخضر اصفر احمر وتجيب ليك اخر صورة بتاعتك تختو لا لا ما كدا التظبيطة ي فنان
التظبيطة انك تحاول ترتب ال Certifications وال skills بتاعك وتلخص حياتك والشي اللي في رأسك بي اسلوب واضح ومرتبة عشان بتاع ال HR لمن يعاين علي ال CV حقك من اول 10 ثواني يلفت انتباه في السيرة حقك ويختك من ضمن المصنفين للمعاينة فهمتني صح فهمت السر هنا وين ! هنا نحنا ما عايزين حاجة عايزين بس ندخل المعاينة ومنها نوريهم نحنا منو بشكل مباشر ونخليهم ما يعاينو لغيرنا ونكسب الوظيفة بشكل مضمون ، يعني بعد مرات ال HR بكون حاتين ليهو ورقة فيهو المهام المطلوب من الموظف ال حتتعين يلا بعاين هناك ويعاين في ال cv حقك ويقارن
اديك الموضوع بشكل ابسط
يعني مثلا لو حد عايز يقدم لوظيفة مهندس شبكات Network Engineer حتركز في ايه ؟ عندك ثلاثة نقاط أساسية( your Skills و Your CV و Look at Job Responsibilities المطلوبة )
لازم تركز في المواضيع المفروض تكتبو من حيث الشهادات ومن حيث المهارات skills
الشهادات CCNA, CCNP, HCIA, CCNA Security
المهارات skills
- Managing and configuring Cisco Router and Switching
- Configuring a VLAN and VTP
- Configuring Routing Protocols RIP , EIGRP, OSPF.
- Configuring NAT
ومثلا في وظيفة System Admin
الشهادات MCSA, MCSE, AZ, vSphere
والمهارات Skills
- Managing and configuring - Microsoft windows server 2012 R2,2016 and 2019
- Managing and configuring AD
- Managing and configuring CA
- Managing and configuring Virtualization Environment
- Managing and configuring office 365 admin
دا امثله ل Job title المفروض تكتبو في عنوان ال CV بتاعك اولا لأنو دا هو الحاجة البتحدد ال cv بتاع ولازم محتوى السيرة الذاتية تناسب العنوان مثلا ما ممكن كاتب لي في ال Job title انك back end developer وتجي تكتب لي داخل ال cv انك بتعرف محاسبة إلكترونية بي اسماك او كيوبكس
Technical Support
Network Security Engineer
System Administrator
System Engineer
IT Manager
Sales Engineer
Database Engineer
Web Developer
Mobile app developer
فهمتني انا قاصد ايه
يعني ما تجي تكتب في ال Job title بتاعتك في ال cv اسم الكلية
حاسوب
تقنية المعلومات
نظم معلومات
هندسة حاسوب
اعتقد الفكرة وصلكم يعني حدد لي نفسك Track امشي عليها عشان تقدر تدرس كورسات كويس وتعمل مهارات وخبرات كويسة وتكون مؤهل لتجديد فرصة مناسب ليك.
وأهم حاجة في ال CV ظبط الجانب بتاع ال Skills اكتب كل التفاصيل بصورة مفصلة واحد وراء تاني اي حاجة في رأسك اكتبو لأنو بعد مرات انت ممكن تكون فاهم كويس وعندك شهادات كويسة لكن بسبب عدم تنسيق ال CV بتاعك عادي ما تصل المعاينة اصلا عشان يعرفوك صح فلازم تظبط ال cv صح عشان تقدر تنافس المعاينة .
الخلاصة
شهادة الجامعة + كورسات متخصصة + سيرة ذاتية مظبوط = الحصول علي فرصة افضل
عشان تحصل علي وظيفة انت تمر بي المراحل التالية
طالب جامعي > اجتهاد فردي + قراية جامعة > خريج جاهز > سيرة ذاتية قوي > منافسة في تقديم الوظائف = فرصة عمل ممتاز
اتمنى الموضوع يكون قدم لكم شيء نفيد ولو بسيط تفيدكم في حياتك
شير الموضوع عشان يوصل لعدد أكبر من أصدقائك