7 أسباب تخليك تدخل عالم البرمجة

# ليه تدخل عالم البرمجة؟ ​

البرمجة لغة المستقبل ​

التقدم التكنولوجي اليومي في مجال الويب والتكنولوجيا خلا البرمجة من الاهتمامات الأساسية للعالم كله.
حتى الولايات المتحدة دمجت البرمجة في المناهج الدراسية، ومبادرة "المليون مبرمج" بتوضح إن الاتجاه دلوقتي فعلاً للبرمجة.

الطلب العالي على المبرمجين ​

البرمجة دلوقتي من الوظائف الأكثر طلبًا عالميًا، لأن أي شركة أو مشروع لازم يكون ليه موقع أو تطبيق. لو هتدخل المجال، اختار مجال عليه طلب وله مستقبل.

سهل تبدأ من بيتك ​

مجال البرمجة محتاج تعليم وصبر واجتهاد، بس مش لازم تكون خريج كلية معينة. كل اللي محتاجه جهاز كمبيوتر أو لاب توب كويس وإنترنت، وتبدأ تتعلم.

العمل الحر Freelancing ​

معظم المبرمجين بيشتغلوا في العمل الحر، في مواقع كتير بتوفر الفرص دي. الميزة إنك ممكن تشتغل من أي مكان، زي ما اتعلمت من بيتك كمان هتقدر تشتغل من بيتك.

دخل جيد ومستمر ​

رواتب المبرمجين ممتازة مقارنة بوظائف تانية، وبتزيد مع الوقت بسبب زيادة الطلب والأهمية في السوق.

البرمجة هتغير شخصيتك ​

هتخليك صبور، وتفكر بطريقة منطقية وعقلانية. هتلاقي نفسك كل ما تواجه مشكلة، دماغك بتشتغل أوتوماتيك على حلها.

الفضول الإيجابي والتفكير الإبداعي ​

هتحس وأنت بتتعلم أو بتسمع عن حاجات جديدة، إن عندك فضول إيجابي: كل حاجة هتسأل نفسك إزاي اتعملت وليه، وممكن تعمل إيه لتطورها أو تعمل زيها بطريقة أفضل.
البرمجة هتلاقيها طبعت على حياتك، هتبدأ تشوف أي فكرة أو أي مشكلة كفرصة لتطوير موقع أو تطبيق جديد.