5 محركات بحث للديب ويب - أفضل من جوجل

بالنسبة لجوجل معظم المواقع ميعرفش عنها حاجة...
لأن ببساطة المواقع دي في الانترنت المظلم... وعلشان تتعرف على المواقع دي لازملك محرك بحث من نوع خاص زي ....

1- محرك بحث Ahmia
دا محرك بحث مصمم علشان يستخدم على متصفح Tor واللي متعرفهوش متصفح Tor دا هو البوابه الرسمية للديب ويب المهم أنت ممكن طبعاً تستخدمه بدال جوجل ...
لأنه مش بس بيديك نتائج أكتر بكتير من جوجل... دا الخصوصية فيه أعلى بكتير... مش بيعاملك كزبون زي أخونا جوجل

2- محرك بحث USA.gov
ودا بقي المستودع الحكومي الرسمي لجميع المعلومات المتاحة للجمهور عن الوكالات والولايات والقوانين والمعلومات الضريبية والوظائف في أمريكا...
وممكن توصل عن طريقه على سجلات وشهادات ميلاد ووفاه... ومعلومات كتير جداً تانية

3. محرك بحث DuckDuckGo
دا زي أخوه الاولاني وبيركز على الخصوصية بشكل كبير، ودا بيجيب عادي نتائج البحث في المواقع العادية... ولكن في نتائج بحثه هتلاقي مواقع كتير من الديب ويب... ولو نزلت متصفح tor وبحثت بالمواقع اللي أخرها الكلمة دي.... onion فيبقي أهلا بيك.

4. محرك بحث Wayback Machine
دا بقي مش بيبحث على المواقع الموجودة دلوقتي دا يا باشا بيجبلك المواقع اللي اتحذفت أو انتهت من سنين... ففيه حوالي 100 تيرابايت من البيانات
وشوف الرقم ده 593 مليار صفحة ويب

وأخيراً محرك بحث notEvil وعنوانه غريب بس بقي دا البوابه الواسعة للديب ويب... ومش هيشتغل إلا مع متصفح Tor