تدريب عملي مجاني في الأمن السيبراني من TheForage

تدريب عملي أونلاين من TheForage ​

لو بتدرس Cyber Security أو أي مجال تاني وعايز تطبّق اللي بتتعلمه في سيناريو واقعي كإنك شغال فعلاً في شركة، يبقى لازم تعرف موقع TheForage.

إيه هو موقع TheForage؟ ​

الموقع ده بيقدّم تدريبات افتراضية (Virtual Internships) مع شركات عالمية حقيقية زي PwC، Deloitte، KPMG، وMicrosoft.
الفكرة إنك بتدخل كأنك موظف فعلاً، وبيكون عندك Tasks لازم تحلّها باستخدام الموارد اللي بيدوهالك.

ليه التجربة دي مهمة جدًا؟ ​

• بتكتسب خبرة عملية حقيقية من شركات عالمية.
• بتاخد شهادة معتمدة بعد ما تخلّص التدريب.
• تقدر تضيف الشهادة دي في الـ CV أو حسابك على LinkedIn.
• بتساعدك تبني بورتفوليو محترم وتفهم شغل الشركات من جوّه.

تدريب Cyber Security من PwC ​

لو المجال اللي يهمك هو الأمن السيبراني، فـ فيه تدريب قوي جدًا على الموقع مقدم من PwC - الشركة المعروفة في المجال.
هتلاقي فيه مهام حقيقية بتعلّمك تحليل الهجمات، إدارة المخاطر، وتأمين الأنظمة.
الرابط المباشر للتدريب:
https://www.theforage.com

نصيحة مهمة قبل ما تكتبها في الـ CV ​

لما تخلص التدريب وتاخد الشهادة، اكتبها تحت قسم:

• Certifications أو Achievements
  ومتكتبهاش في Experience لأنها تدريب افتراضي مش وظيفة فعلية.
  ونفس الكلام ينطبق على LinkedIn.

خلاصة ​

موقع TheForage فرصة ممتازة لأي حد عايز يكتسب خبرة عملية حقيقية من شركات كبيرة وهو قاعد في بيته. تجربة سهلة، مفيدة، ومجانية كمان!