API: دليل استخدامه لتسهيل المواقع والتطبيقات

يعني إيه API وازاي استخدامه يوفر عليك تعب كتير؟ ​

فى الموضوع ده هنعرف مع بعض يعني إيه API وإيه العمليات اللي ممكن نعملها عليه، وكمان هنشوف ليه كل المبرمجين بيحبوه.

مثال عملي عشان نفهم API ​

تخيل معايا انك عايز تشرب كوباية قهوة:

• هتروح لكافية فيها الخدمة اللي انت عايزها (بيعملوا قهوة)
• هتقابل الWaiter وتقوله أنا عايز كوباية قهوة ومواصفاتها كذا كذا
• الWaiter هيروح للراجل اللي بيعمل القهوة ويقوله حضرلي كوباية القهوة بالمواصفات المطلوبة
• أول ما القهوة تجهز، الWaiter هيرجع يقولك اتفضل كوباية القهوة

بكده انت وفرت على نفسك وقت ومجهود كبير، ومش محتاج تتعلم ازاي القهوة بتتعمل.

* فى المثال ده، الAPI هو زي الWaiter اللي بيجيبلك القهوة
* الAPI كده بيكون وسيط بينك كعميل وبين الشخص اللي بيقدم الخدمة
* الAPI بيعرف ياخد الطلب منك ويبعته بشكل صحيح للجهة اللي هتنفذه، وانت مش محتاج تعرف التفاصيل الداخلية

تعريف API فى البرمجة ​

• API اختصار Application Programming Interface، وده واجهة بتسهل التعامل بين شيئين مختلفين
• الخدمة اللي هتتعامل معاها غالبًا بتكون مقدمة من شركات كبيرة زي Facebook أو Twitter، وبتستخدم API للتعامل معاها
• ممكن كمان تكون Database أو Server فيه داتا معينة بتتحدث باستمرار، وانت محتاج تجيب الداتا دى وتعرضها فى تطبيقك أو موقعك

مثال عملي فى البرمجة ​

لو انت بتعمل تطبيق Android أو iOS أو موقع ويب بيعرض حالة الطقس فى بلدك كل يوم، طبعًا مش هتروح كل يوم تعدل الداتا بنفسك!

هنا بييجي دور الAPI عشان:

• تجيب حالة الطقس بشكل مباشر وتحدثها يوميًا
• توفر عليك وقت ومجهود كبير

عملية استخدام API على 5 مراحل ​

• هتروح للAPI اللي بيعرف يتعامل مع مصدر البيانات (مثلاً Database أو Server)
• هتبعت للAPI الطلب: عايز حالة الطقس لليوم كذا فى بلد كذا
• الAPI هيبعت للجهة اللي بتقدم الخدمة يجيب الداتا المطلوبة
• لما الداتا توصل للAPI، هيرجعلك الرد (Response) ويقولك اتفضل داتا اليوم كده
• انت هتاخد الداتا دى وتعرضها فى التطبيق أو الموقع بتاعك

ليه API مهم جدًا لكل مبرمج؟ ​

• بيخليك تتعامل مع خدمات كبيرة بسهولة من غير ما تفهم كل التفاصيل
• بيوفر وقت ومجهود كبير خصوصًا فى المشاريع الكبيرة
• بيخليك تحدث البيانات فى تطبيقك أو موقعك بشكل تلقائي ومتواصل
• بيسهل دمج خدمات متعددة مع بعض فى موقع واحد أو تطبيق واحد

API هو الوسيط الذكي بينك وبين الخدمات اللي محتاجها، وبيخليك تعمل تطبيقات ومواقع ويب بشكل أسرع وأسهل.
أي مبرمج لازم يفهم API عشان يوفر مجهود كبير ويقدر يشتغل مع داتا متحدثة باستمرار بدون مشاكل.