Memory Leaks: أسبابها وإزاي تتجنبها بسرعة

ايه هو Memory Leaks وليه لازم تتجنبه؟ ​

هنتكلم عن مشكلة مهمة لكل مبرمج وهي Memory Leaks وإزاي بتحصل وليه لازم نعرف نتجنبها في أي مشروع

فهم الـMemory ​

قبل ما نفهم Memory Leaks، لازم نعرف الـMemory (يعني RAM) بتتخزن فيها ايه:

• تخيل معايا الـHeap كصندوق فاضي
• لما نحتاج نخزن حاجة جوه الصندوق ده، بناخد جزء من المساحة الفاضية ونحط الحاجة اللي عايزين نخزنها
• بنكرر العملية دي لكل Object أو Thread أو Process لحد ما الصندوق يمتلئ

يعني ببساطة: كل الـObjects والعمليات اللي بننشئها أثناء تشغيل المشروع بتتخزن في الـMemory

ايه هو الـMemory Leaks؟ ​

Memory Leaks ده عبارة عن هدر للمساحة المتاحة في الـMemory، وده بيحصل بسبب:

• انك تحجز مساحة في الـMemory مش محتاجها حاليا، زي Object استخدمته وانتهيت منه وممسحتهوش
• انك تعمل Threads كتير وانت مش محتاج العدد ده

يعني الMemory بتنفذ على حاجات مش مستخدمة، وده بيأثر على أداء المشروع والجهاز كله

ازاي نتجنب Memory Leaks؟ ​

• في لغات زي C و C++ → لازم تمسح أي Object مش محتاجه بنفسك
• في لغات زي Java → فيه Garbage Collector بيمسحلك الأوبجكتس اللي مش مستخدمة تلقائيًا
• وانت بتتعامل مع Multiple Threads → لازم تاخد بالك من إدارة الموارد لتجنب Memory Leaks

الاضرار الناتجة عن Memory Leaks ​

• هيقلل أداء الجهاز والمشروع سواء على Android أو Windows
• هيستنفذ المساحة المتاحة في الـMemory → مش هيبقى عندك مكان تخزن فيه عمليات جديدة
• ممكن يسبب توقف البرنامج أو الـApplication crash لو المشكلة استمرت

الخلاصة ​

• Memory Leaks = هدر مساحة الـRAM بسبب Objects أو Threads مش مستخدمة
• تجنب الحجز الغير ضروري واحرص على تنظيف الMemory أو استخدام Garbage Collector
• النتيجة: أداء أعلى واستقرار أفضل للبرنامج والجهاز