N+1 Problem في SQL: الحل الأمثل بالأمثلة 2026

مشكلة N+1 في SQL: لما تجيب كل حاجة لوحدها
البوست اللي فات اتكلمنا عن الصينية المليانة أكل وانت طلبت ساندوتش واحد

هنتخيل إن ربنا كرمك واشتريت الكافيه وبقيت المدير

• دخلت تعمل جرد للطلبات اليومية
• طلبت من الويتر قايمة الطلبات وكل طلب فيه إيه
• الويتر رجع جابلك كل الطلبات لوحدها
• بعدين مشي وجابلك الأصناف لوحدها

أنت دلوقتي محتاج تعرف طلب رقم 5 فيه إيه، ومش عايز تتعب وتوصل بين القايمتين يدويًا

---

نفس القصة بتحصل جوه الـ Database ​

لو كتبنا الكويري بالشكل ده:

-- نجيب الطلبات
SELECT * FROM orders;

-- بعدين لكل طلب نجيب الأصناف
SELECT * FROM items WHERE order_id = 1;
SELECT * FROM items WHERE order_id = 2;
SELECT * FROM items WHERE order_id = 3;

• لو عندك 100 طلب → هتعمل 101 Query
• كأنك بتبص في ورقتين وتحاول تفهم كل صنف تابع لأي طلب

---

ليه دي تعتبر من مشاكل N+1 ​

• بتتعامل مع الداتا بطريقة ساذجة:
  1. تجيب الطلبات لوحدها
  2. بعدين ترجع تجيب الأصناف لوحدها
  3. تدخل نفسك في Queries زيادة من غير لازمة
• النتيجة: بطء في الأداء، استهلاك أكبر للـ Server، وزيادة التحميل على الشبكة

الحل: استخدم INNER JOIN ​

بدل ما تجيب كل حاجة لوحدها، نقدر نستخدم INNER JOIN ونربط الطلبات بالأصناف في نفس الاستعلام:

SELECT o.id   AS order_id,
       o.total,
       i.name AS item_name
FROM orders o
INNER JOIN items i
        ON o.id = i.order_id;

• كده جبت كل الطلبات مع الأصناف بتاعتها في ورقة واحدة
• مثال النتيجة:
  • طلب رقم 1 = برجر
  • طلب رقم 2 = قهوة
  • طلب رقم 3 = بيتزا

---

فايدة INNER JOIN ​

• بيجيبلك بس الطلبات اللي ليها أصناف مرتبطة بيها
• بتقلل عدد الـ queries وتخلي الأداء أسرع
• مناسب جدًا لأي database كبيرة أو application فيه علاقات بين الجداول

---

المرة الجاية: لو فيه طلبات ملهاش أصناف؟ ​

• هل نعرضها؟ ولا نرميها؟
• هنا هنحتاج نوع تاني من الـ JOIN زي LEFT JOIN
• ده هيسمحلك تشوف كل الطلبات حتى لو ملهاش أصناف مرتبطة

مصادر للتعلم العميق ​

لو حابب تتعلم أكتر عن تحسين أداء الـ Database ومشاكل زي دي، شوف كتاب:
High Performance MySQL

• تأليف: Baron Schwartz, Peter Zaitsev, Vadim Tkachenko

هتستمتع جدًا وانت بتتعلم إزاي تحسن الأداء وتتجنب المشاكل قبل ما تحصل