SonarQube: تحليل الكود وتحسين جودته

يعني إيه SonarQube؟ ​

سمعت قبل كده عن SonarQube؟
خليني أقولك بسرعة إيه هي الأداة العبقرية دي وليه لازم تكون جزء من أي مشروع محترم

لما تكون شغال على كود كبير وبتعدل فيه، طبيعي تسأل نفسك:
"هل التعديلات دي مأثرتش على جودة الكود؟"

مش بنتكلم عن Regression Testing هنا، لأ، بنتكلم عن جودة الكود نفسه. ساعات التعديلات ممكن تعمل مشاكل مش باينة في الأداء، بس بتأثر على قابلية الصيانة أو حتى الأمان.

وهنا ييجي دور البطل
SonarQube!

إزاي SonarQube بتشتغل؟ ​

الأداة دي كأنها مراية للكود بتاعك
بتحلل المشروع وتقولك:

• فين الكود المكتوب بطريقة غلط
• إيه تأثيره على الأداء
• وإزاي ممكن يعرضك لمشاكل أمنية

كمان بتديك تقارير وإحصائيات واضحة تخليك تشوف الصورة كاملة لمشروعك وتعرف بالضبط فين محتاج تحسين.

يعني تقدر تعتبرها Code Reviewer آلي بيشتغل 24/7 من غير ما يزهق

نستخدمها إزاي في المشاريع؟ ​

عندك كذا طريقة تستخدم بيها SonarQube، بس بصراحة أفضل طريقة هي دمجها في Pipeline بتاعك

يعني بعد كل Push للكود، خليه يعدي على SonarQube.
لو فيه مشاكل ➜ توقف Jenkins Pipeline مثلاً لحد ما تصلحها.
لو تمام ➜ البايبلاين يكمل عادي
كده بتضمن إن كل كود بيتنشر يكون نظيف وآمن

ليه SonarQube مهمة لكل مطور؟ ​

لأنها ببساطة:
بتحسن جودة الكود
بتحميك من الثغرات
بتخليك تتابع الـ Technical Debt
وبتخلي فريقك يكتب كود متناسق ومنظم

الوثائق الرسمية بتاعتهم كمان ممتازة جدًا ومليانة أمثلة لأي Framework تستخدمه.

رابط الأداة الرسمي
https://www.sonarsource.com/products/sonarqube/

الخلاصة ​

لو فعلاً بتاخد شغلك بجدية كمطور ،
يبقى لازم تجرب SonarQube النهارده!
هتكتشف قد إيه بتخلي كودك أنضف، أأمن، واحترافي أكتر

شاركنا في التعليقات
هل جربت SonarQube قبل كده؟ وإيه رأيك فيها؟